梁天琦-安華-min

梁天琦 案的求情信係告誡法官咪亂判

梁天琦 案去到尾聲,啲求情信亦陸續出嚟,但最具份量嘅求情信,應該係 Hong Kong Watch 贊助人果兩封,即係 Lord Alton of Liverpool 果封,同Geoffrey Nice爵士兼御用大律師果封。我唔知果法官諗住點判,但佢嘅判決應該充分考慮佢本人喺普通法司法管轄區嘅一般觀感。

梁天琦 案咪亂判

先講 Lord Alton of Liverpool 封求情信,呢封信反映英國政界係睇住香港點判,大家都知Hong Kong Watch喺英國政壇嘅實際作用,如果 梁天琦 案亂判廿四,相信英國人日後喺國會任何同香港有關嘅立法上,會考慮到。你有幾可見嚟自一個勳爵嘅求情信,以我記得,黃之鋒當年都未得過呢個咁重大嘅待遇就係。而Sir Geoffrey Nice QC,係世界上頂級嘅檢控官,因為佢係負責檢控喺南斯拉夫瓦解戰爭中干犯反人類罪行果啲人渣,我相信呢個唔會係普通人,呢種求情信,係會就法官嘅判決造成壓力,都係果句,你試吓亂咁判囉。

雖然呢單案未完,但作為一個居住喺德國嘅英國人,我對法官一啲舉動有好大質疑,首先,法官喺辯方求情提及暴動涉及政治時,話單案同政治無關,邊度同政治無關,呢單案用暴動罪嚟檢控,根本係赤裸嘅政治檢控,法官呢啲講法,同納粹德國年代果啲法官有乜分別?納粹德國啲法官,都話自己嘅判決同政治無關,咁代唔代表法官可以亂咁嚟。

我一般嚟講,都唔會未判決,就公開喺blog度爆法官樽,以免土共有樣學樣,但呢次法官話應唔應該判刑果種,一併考慮未達成有效裁決,甚至無罪部分嘅案情,我覺得係黐線,未達成有效裁決即係無罪,無罪即係無罪,點解要考慮埋呢啲案情,依家有人收到柯打要重判 梁天琦 ,乜嘢狗屎垃圾理由都塞得落去呀?唔係嘛。連埋上次上訴庭一股歪風果單嘢,以及依家呢個官明知陪審團被威嚇,仍然堅持作出判決呢單嘢,我覺得呢個官係根本信唔過,甚至呢啲案情,適唔適合一個前律政司嘅檢控官去審,我都大有保留。喺我眼中,呢次 梁天琦 嘅判決,我未睇判詞都唔會有服嘅理由。

發表迴響

你的電子郵件位址並不會被公開。 必要欄位標記為 *