拖板

盧覺強 :香港傳媒嘅病症嚟

拖板搞到火警嘅新聞成日發生,但香港傳媒每次報同拖板火警有關嘅新聞都搵 盧覺強 ,搵佢講埋啲比阿媽係女人更加無營養嘅嘢,就真係火都嚟。而有單拖板短路引發嘅火警,竟然又搵 盧覺強 嚟comment,喺歐洲時間臨瞓睇到呢啲垃圾,認真唔開胃,唔寫都唔得。

盧覺強 廢到一個點

蘋果日報問 盧覺強 院士嘅comment,係咁寫嘅

英國機械工程師學會院士盧覺強指,由於拖板的電流上限不大,一些電流值較高的電器,如冷氣機、雪櫃、暖爐及抽濕機等,應使用獨立插座,以策安全。盧覺強提醒,拖板插座不應多於4個,以避免拖板超出負荷,若電器使用的瓦數過大,會令電線熔化,引致火警。盧覺強建議市民,經常檢查插座使用狀況,若電線有溫暖感,即是過熱的警號,應該減少插座,若發出電流聲,即代表拖板接觸不良,應馬上更換。

呢個comment有兩個問題:

1. 其實拖板一般係講功率上限,有啲拖板嘅功率上限大啲,例如歐陸係3500W,英國係3150W,但香港係220V為主,所以如果用13A計,用低過廠商標明數字係比較安全,即係2860W左右,最醒水係計住自己用嘅電器最高功率係幾多嚟插。香港啲大廈好多插座係咁多,邊咁X多獨立插座俾你 盧覺強 大工程師?喺德國,好多係舊樓,有啲係戰前舊樓,插座唔可以加,就係用拖板。呢個亦係歐陸拖板講求穩陣嘅原因。如果 盧覺強 乜叉都要獨立插座,德國人一早應該死咗好耐。

2. 盧覺強 呢個垃圾comment仲迴避咗一個問題,就係香港好多拖板根本係垃圾嚟,啲中國製拖板,一係保險絲有問題,一係內部電路設計有問題,容易造成短路,去年一月,消委會至查到一堆垃圾拖板,全部都唔合安全標準咁滯,又唔見你 盧覺強 講?呢個至係核心問題,但我唔明點解 盧覺強 同埋果位垃圾記者唔講囉,呢個問題,我作為一個普通讀者,都一眼睇到出嚟。

盧覺強 呢種垃圾comment,根本係香港傳媒嘅病嚟,我唔明點解仲要呢啲垃圾一日到黑充斥住報紙版面,我唔想下次有乜拖板引發火警再出現呢件垃圾提供一啲營養都無嘅資訊。

One thought on “盧覺強 :香港傳媒嘅病症嚟

  1. 世澤兄:

    設想一下, 如果我見到你受咗傷, 都幾重, 喺屯門, 我第一個見到你, 第一時間送你入青山, 理由係因為醫院有醫生, 而你需要醫生儘快救治 …… 結果你死咗, 咁你話, 係青山有問題, 定係我有問題?

    至於你提出嘅兩個問題, 我都認同, 但: 1. 啲人唔計電流數, 照插照用. 2. 政府唔理, 垃圾照賣.

    順道提一下, fuse 唔係話一超過電流值就燒, 過 30% 至 50% 先燒, 都係好平常, 而當 overload 發生時, 優質拖板都會慶, 垃圾拖板燒著就好正路.

發表迴響

你的電子郵件位址並不會被公開。 必要欄位標記為 *