貿易戰-中國輸了-min

貿易戰 中國確實輸咗

美中關於 貿易戰 嘅談判結果,美國國會一招不饒恕中興,終於令中國腳軟,中國要答應大量買美國嘢,但又唔加得美國關稅。當有網民揭破皇帝的新衣果陣,中國就打飛機打到刪晒WeChat上認為中國輸咗嘅言論。但 貿易戰 裡面,中國確實係輸到甩褲。

中國點解輸咗 貿易戰

中國輸咗 貿易戰 嘅原因,其實十分之簡單,為咗中國嘅豬農,中國結果要放棄對美國高粱徵收關稅,齋係呢點已經反映中國係打唔起呢場 貿易戰 。無論美國定歐洲,政府係用公帑都要撐住農民,因為無咗農業自主就你乜都唔係,德國好講「aus Region」呢樣嘢,除咗代表農作物新鮮,亦係撐住當地農民,撐住農業自主,縱使歐洲已經係單一市場。呢個亦係如果香港有朝一日獨立或歸英,可能第一時間就要建立城市農業,亦係咁解。日本將農業自主視作國家安全等同嘅問題,日本人都有炒過地,但喺農業補貼呢點,日本係寸步不讓,都係呢個原因。而中國人短視,不斷欺壓農民,或者農民有地就賣鬼晒去炒,以為咁樣就係發財,結果咪係自斷經脈。

所以,依家中國人講乜要搞晶片研發,其實又係一班人渣想撈錢嘅作為,呢啲撈錢嘅事,尋租嘅事,研究中國政治嘅人一早睇穿晒,中國關鍵係重建農業,但重建農業又涉及環保,中國嘅環保,就真係我只能用句折墮嚟形容。 Trump 喺呢點,應該睇得幾通透,中國以為可以要脅到支持 Trump 班選民,但實情係相反。我相信除咗大豆、高粱,應該仲有好多基本農作物,中國只能依賴美國入口,呢種情況,唔好話 貿易戰 ,係打台灣都唔會有條件,一封鎖海岸線就玩完。一如德國同日本輸二次大戰,其實都係輸補給不繼,美國、英國斬斷晒啲補給,你有幾勁嘅飛機大炮都係假,因為你啲飛機大炮都係要燃油驅動,你啲士兵都要食嘢至有力氣打仗,中國嘅情況都會係一樣。

中國唔認自己 貿易戰 輸咗,果啲收咗水嘅五毛,你磅番水俾佢就無嘢,但唔係收咗水嘅自帶五,會唔會有自己嘅諗法就好難講,大家都知,唔少自帶五,同澳洲果個恐嚇殺台灣人嘅女學生一樣,其實可以歸類為黐咗線,入咗青山。喺中國呢個加大碼青山,真係好鬼危險。

發表迴響

你的電子郵件位址並不會被公開。 必要欄位標記為 *