網上版-min

報紙 網上版 無人想寫嘅原因

有報紙高層投訴,依家啲作者唔肯寫 網上版 ,當然大家都知,未來傳媒一定係要靠網上生存,基本上紙媒結束係遲早問題。只不過,香港呢個畸形傳媒生態,啲人唔肯寫 網上版 又有解,因為有啲仆街一開首做壞手勢,同埋時代已經變晒。

立場新聞做壞手勢累死 網上版

有一個網媒,我係必須追殺到底,係立場新聞,因為佢個前身主場新聞做咗一個壞先例,就係作者無稿費收。大佬,作者勞心勞力製造content,但Google Adsense收益就益晒你地,呢啲係乜嘢剝削勞工嘅手段嚟,跟住好多中文傳媒都學晒呢啲壞習慣,呢個亦係大家抗拒寫 網上版 嘅原因,今日你話有稿費啫,我點知你幾時cut鬼晒啲稿費,仲要 網上版 嘅自由度唔一定大,如果係咁,不如自己開blog無咁嬲喇,我都係因為呢個原因,講明搵我寫 網上版 ,如果無稿費係免問。呢個亦係點解網媒做抄抄子做得無恥嘅前傳嚟,因為主事人一開始已經唔打算俾番作者合理回報,所以佢地乾脆上嚟抄嘢,網媒被鄙視亦係咁解。

另一方面,依家時勢亦唔同咗,首先,依家Google Adsense嘅廣告分成係改善咗,當然前提係你要做晒Google SEO嘅要求,同埋自己斬晒啲中國垃圾廣告出去,而Medium出現,就更唔同,如果你積累嘅Medium Paid Reader夠多,駛鬼同你報館寫,稿費唔見得好,仲要等好耐至收到稿費,但Medium係月頭就已經收得番稿費,當然香港Medium個pool未夠大,但肯定稿費會吸引過明報呢啲扮知識分子報紙已經夠。所以我都幾肯定,未來香港所謂主流傳媒嘅作者只會越嚟越垃圾,因為真係寫得果啲,都寧願自己搞掂,或者等Medium個pool養大咗,然後喺Medium寫嘢算數,仲同你班香港報紙佬癲。

報紙 網上版 會越嚟越少人寫,因為人人都可以自己做一個平台出嚟,而傳媒係唔係一個可以接觸到好多人嘅平台,我睇唔係囉,依家剩番係老一代會睇實物版,但實物版消亡係遲早問題果陣,無人有責任幫你啲傳媒吊鹽水。出唔起稿費,就乜嘢都唔駛傾落去。

發表迴響

你的電子郵件位址並不會被公開。 必要欄位標記為 *