Prince Harry-min

Prince Harry 大婚:歐洲人與在歐英國人嘅分別

Prince Harry 大婚,喺德國都有好大嘅重視度,連德國嘅公共電視第二台ZDF都係全程直播,我諗德國除咗足球賽事,好少咁霸用公共廣播時間去直播一場德國以外國家嘅盛事。而德國一街雜誌,都係講 Prince Harry ,甚至連唐老鴨都係。

Prince Harry - Donald Duck-min
Prince Harry – Donald Duck-min

Prince Harry 大婚反映歐洲人同在歐英國人態度

Prince Harry 大婚受到歐洲注目,可以理解,因為歐洲依家剩番似舊日格林童話世界下嘅王子、公主模式王室好少,德國經歷兩次大戰摧殘,好多王室蕩然無存,係得巴伐利亞王室仍然叫大家知道存在,但已經唔係果回事(巴伐利亞王室因為參與German Resistance而得到尊重,呢啲叫貴族),而同德國有血緣關係嘅其中一個大皇室,就係英國皇室。加上,好多歐洲皇室,唔係好似奧地利、意大利果啲共和政府當皇室仇人咁處理,就仍然在位已經係「左膠化」,與平民無異,甚至荷蘭國王仲會揸KLM,成件事聽落好kai,同英國皇室保留成套完整皇室傳統好唔同。所以,歐洲人喺英國皇室,睇番好多歐洲只剩建築物或州、市徽號至保留痕跡嘅嘢,畢竟下一代同類型嘅大典,真係唔知幾時。

但在歐英國人就冷淡好多,我住嘅城市,已經係有大批英僑喺度,但英僑組織,英國商會都無人攞嚟搞promote英國嘅活動,英國駐德使館係咁推都無反應,係連英國人都無反應,因為5月17日柏林舉行嘅BREXIT Town Hall meeting,成棚英國人問FCO依家BREXIT後世界點,無人俾到實質答案,人人做Maybot,好多在歐英國人感覺自己等同棄民,甚至有啲人都明白點解BNO咁X憤怒,有啲在歐英國人,可能要急住考德語試同融合課程入籍德國,或用自己同其他歐盟國家聯繫入籍當地,鬼有心情同你講 Prince Harry ,所以我識嘅在歐英國人,對呢場大婚感覺唔強,因為果種棄民情緒,喺歐陸係好強烈,如果我係FCO,根本唔會咁唔識趣開場Town Hall meeting激嬲啲英僑。大家要記住,好多英僑喺EU住咗十幾年,甚至三十年以上,有晒生意、朋友網絡,你叫佢撤返英國?

所以 Prince Harry 大婚,喺歐洲,喺歐洲人熱,英國人冷,有解。

發表迴響

你的電子郵件位址並不會被公開。 必要欄位標記為 *