陪審員-min

暴動案 陪審員 被威嚇事件:唔捉中共特務就無司法公正

大家仲記得有中國嚟「遊客」走去影審梁天琦涉嫌暴動案嘅 陪審員 嘅相,但個法官未有拘捕果位中國「遊客」嘅事件。依家單嘢似乎係收唔到科,因為喺梁天琦案 陪審員 未能達致大多數有效裁決果陣,竟然司法機構收到電郵,內附 陪審員 嘅相片。呢單嘢邊個做,依家係十分之清楚,就係中共在港嘅情報人員。

警方有責任保護 陪審員

首先,呢單案玩到咁,我認為根本無可能有公正裁決,無論點重審都無可能,除非拉到喺今年3月影 陪審員 相果條中國仆街,所以我睇法係梁天琦案,應該永久擱置聆訊,呢個不單保護被告利益,另一方面,如果單案搞到不斷有中國特務嚟干擾案件聆訊,根本無人敢做呢單案嘅 陪審員 ,係攞住枝槍叫佢做都唔會做,點判都會出唔到街,你話點搞?依家法院係強行判梁天琦一條暴動罪有罪,我睇唔到有任何合理依據, 陪審員 受明顯威嚇之下仲要咁判,你依家叫香港人相信法院同 陪審員 係公正,我只能講,單判決去到依家呢個程度,黃台仰選擇流亡海外係絕對正確嘅決定,因為明顯 陪審員 受威嚇仲要作出裁決,就算上到上訴庭或終審庭又點,冤枉監白坐就係白坐,呢點係十分之明顯,香港司法公正仲剩番幾多,我係十分之懷疑,甚至遲吓香港法院,衰過納吉治下嘅大馬法院都一啲都唔奇,因為啲法官未有勇氣作出捍衛司法公正嘅決定。依家梁天琦嘅判決,除咗係監粗嚟,我無其他答案。

如果警方係堅做嘢,捉三月影相果件中國仆街歸案,同埋禁止啲中國人喺庭上影 陪審員 相,咪有機會可以重審,由法院去決定單案,雖然其實暴動罪呢條罪本身,喺現今呢個年代使用都係不公不義,呢條罪本來係對付昔日嘅愛爾蘭共和軍,或者1967年中共班恐怖分子用,而唔係用喺對付好似魚蛋革命呢啲,喺歐洲標準嚟講已經係碎料到極嘅街頭示威案件,仲要依家根本無人知,點解單嘢最後會搞到旺角街頭飛磚收場,同埋點解當時警察要不斷挑起市民嘅情緒,其實我覺得如果真係有暴動嘅話,真正主謀係一個叫梁振英嘅仆街,其他人等,我心諗真係關佢叉事。無梁振英,無呢件事發生。

發表迴響

你的電子郵件位址並不會被公開。 必要欄位標記為 *