CFC-11-1-min

制止 CFC-11 生產,先叫阿里巴巴執笠先

衛報呢啲傳媒報導,科學家發現 CFC-11 喺大氣層裡面神秘增加,呢種化學物質,除咗依家仲用緊果啲幾十年舊款冷氣機外,已經禁用,科學家依家查緊啲來源。其實要查呢啲來源好容易,全世界有一個漠視地球基本公義原則嘅國家,叫中國,呢個國家有一個叫阿里巴巴嘅網站,你好容易搵到 CFC-11 呢種違禁物質仲喺度賣,甚至生產嘅證據。

CFC-11 邊個國家仲會生產

以下喺阿里巴巴網站嘅screen capture,已經說明一切答案:

CFC-11-1-min
CFC-11-1-min
CFC-11-2-min
CFC-11-2-min

由於我IP喺德國,我唔會用中國VPN呢啲咁危險嘅嘢,亦唔會做乜中國企業認證,否則搵到嘅 CFC-11 貨源點只咁多,相信中國賣緊 CFC-11 嘅化工公司仲有好多,否則臭氧層唔會仍然出現穿窿現象,甚至 CFC-11 嘅濃度仍然提升。呢啲中國企業,完全漠視中國簽署嘅國際公約上嘅法律責任,以及作為一個人類應有嘅基本道德責任。人民日報當年自吹自擂話中國告別咗 CFC-11 ,依家去咗邊?

我一直好憎馬雲,其中一個原因,因為呢條友做生意一啲底線都無,抄襲成性(支付寶抄Paypal、淘寶抄ebay),唔管自己賣緊啲乜嘢, CFC-11 都賣得,都未計果啲可以用作強力合成毒品嘅化工原料,又係阿里巴巴出嚟,根本阿里巴巴係一個賊竇嚟。如果中國人同阿里巴巴呢間公司嘅性格唔改變,唔好話 CFC-11 生產,成個世界以至地球仲有無得救都成問題,啲環保膠成日只係識質疑西方國家,但中國喺環保上又做咗啲乜,我依家睇到,係有破壞無建設嘅多,至少喺 CFC-11 問題上,我係搵到確切證據,中國仲賣緊呢啲化學品,仲要我依家人喺德國,隨便喺阿里巴巴search吓就搵到,大家諗到中國人為咗發財,可以無底線到乜嘢程度。

環保膠要環境好,唔好成日鬧美國,真係最仆街果個偽君子叫中國,唔敢搵中國政府都唔緊要,你搵咗一個叫馬雲嘅友仔先,佢係有責任公開制止佢旗下嘅公司,繼續容許呢啲仆街化學品周街走。我已經無查阿里巴巴有無賣化武原材料,已經好好。

發表迴響

你的電子郵件位址並不會被公開。 必要欄位標記為 *