ZTE-中興-min

ZTE 與北韓係唔可以兼得

睇呢排Trump講數,真係好睇過睇古惑仔漫畫,中國以為北韓有啲成果,可以一方面叫美國放生 ZTE ,然後再叫北韓扮「自主走數」,點知Trump睇通你班友玩乜,金正恩一話準備走數,Trump即講無話放生 ZTE ,睇嚟一係中國失去北韓宗主權,一係要 ZTE 死,是但一樣,唔可以兩者兼得。

ZTE 同北韓是但要一件

喺左膠當政嘅年代,由於左膠一般比較天真,所以可以玩先攞咗 ZTE 解除制裁,可暗中教唆北韓走數(當然要俾大筆錢先),但問題係,依家Trump唔係左膠,而係一個縱橫紐約多年嘅江湖大鱷,論講數同出古惑呢樣嘢,佢熟過你中國呢班友,況且條友根本唔要面嘅,又啱啱好中國得小聰明,無大智慧, ZTE 嘅制裁都未真係解除,就雞咁腳要北韓走數,一如我所料,Trump唔發火就奇,所以依家立即話無講過要放過 ZTE ,美國人好清楚依家金正恩可能走數,係中國幕後搞屎尿屁嘅結果,唔好當全世界傻至得,睇嚟除咗 ZTE ,華為同Lenovo兩件都應該好快會死得好慘果隻。

美國有人揚言要好似移除卡達菲咁搞金正恩,當然係要講清楚金正恩如果唔準時棄國嘅結果,金正恩都應該知,佢做得棄核呢單刁,佢最終要俾嘅代價,係放棄北韓政權,當然,我相信Trump會安排佢去瑞士享受人生嘅,唔係個個都好似卡達菲咁唔識趣,結果美國忍咗十幾年後,反對派一揭竿而起就出兵幫反對派隊冧卡達菲呢條茂利。依家問題係,金正恩係唔係因為一時貪念,貪小便宜結果計錯數,同美國攞唔到多啲,仲要死得慘啲。依家北韓嘅條件,其實Trump肯同佢傾做場大龍鳳已經十分之俾面佢,我估應該好快兩韓會恢復會談就係。

都係果句,中國人玩小聰明,搞小動作,以為好威嘅做法,係會有後果,因為呢啲係不可信談判對手,加上美國國會班友其實都唔信Trump,依家參議院係判定選舉結果係受俄國干預,Trump要連任玩落去,或者唔受彈劾,佢一定證明佢係搞America First,唔係Trump First或者China First,或者Russia First,所以依家應該會繼續好戲連場就係。

發表迴響

你的電子郵件位址並不會被公開。 必要欄位標記為 *