洪為民-大灣區-min

沒有民主自由就沒有 大灣區

近日好多梁粉都9up 大灣區 ,仲叫香港人為錢放棄自己嘅身份,但成棚仆街都揸住外國護照。iProA之恥之一嘅洪為民,又 9up 大灣區 。我依家都住喺德國西部最大都市群魯爾區 Ruhr ,而且過荷蘭都好似食生菜(荷蘭邊境城市當本地火車,你話),但我回應係,無民主自由,唔好同我講乜嘢 大灣區 。

大灣區 嘅前提係民主自由

首先, 大灣區 係唔駛放棄你本身香港人嘅身份,好似我係一個英國人,住喺德國,同時有德荷兩國嘅戶籍登記,咁我係唔係要自稱德國人,或荷蘭人,而放棄英國人身份,唔係囉,所以我唔知你洪為民條仆街講啲乜,都攞iProA作為搵水工具,我呢個永久異見會員就係會出嚟倒米。

喺德國魯爾區同荷蘭往來好容易,Heerlen, Enschede, Venlo 呢啲城市去德國火車係當德國本地火車,兩個國家依家係連邊境關卡都無埋,呢啲鐵路都唔係ICE級嘅高鐵,其實德國一般行呢啲普通火車嘅列車,例如Stadler FLIRT, Bombardier Talent 2都飛160km/h,有時為追番時間,飛到接近200km/h都見識過(當然魯爾都有路線仲行緊柴油火車,S-Bahn行柴油火車呢啲嘢,日後再講)。所以我去到德國,更唔明起高鐵把叉,呢個係挑戰常識。荷蘭、比利時、德國等緊密聯繫,唔係靠消滅對方語言,荷蘭人照講英文同荷文,德國人照講德文,而比利時係法、荷兩語長期分治。所以融合,靠係民主自由嘅共同基礎,所以無論荷比之間嘅整合,萊茵河流域各國嘅整合,最終講係民主自由,尊重唔同文化。你洪為民呢啲利字當頭嘅港奸,你識條春呀。

就算講灣區(Bay Area),灣區嘅城市靠係乜,都係民主自由同包容唔同文化嘅風氣,而唔係所謂「灣區」,舊金山可以出個華人市長(去年十二月去世嘅李孟賢),而舊金山The Castro嘅同性戀平權運動係有名,香港?依家講同性婚姻,梁美芬、蔡志森呢啲宗教極端分子立即衝出嚟咬人, 大灣區 個名抄灣區,又唔見抄自由制度同文化。

所以呢班神棍係好乞我憎,呢啲友仔,真係昆人唔駛本。

發表迴響

你的電子郵件位址並不會被公開。 必要欄位標記為 *