威豹金融押運

威豹金融押運 點解可以喺香港搞跨境押運

林忌嘅博客發現, 威豹金融押運 嘅車,喺廣東省車牌嘅車,竟然可以喺香港行駛,運輸署又可以批出牌照,成件事匪夷所思。2009年,係我發現樓下出現中國嘅救護車,結果送到去立法會質問,果啲一條龍雙非孕婦車至消失,而 威豹金融押運 喺中國嘅車居然喺香港行駛,我認為有好多對中國以至香港利益不符嘅事,應該立即停止呢種鬧劇。

威豹金融押運 應該用番香港嘅車

先講,喺香港呢方面嚟講,我會有三個質疑:

1. 點解運輸署可以批准中國嘅保安車輛喺香港行駛,呢種車輛,係唔應該攞到國際車牌。

2. 威豹金融押運 中國嘅車輛駛入香港,車上人員有無香港保安牌,點解警務處長,可以批出香港保安牌。

3. 威豹金融押運 中國嘅車,車上有無槍械,如果有,果啲係唔係領有香港槍牌嘅槍械,呢件事,比雙非孕婦救護車問題更大。

而且喺銅鑼灣書店事件後,啲人會懷疑呢啲車會唔會充當洗頭車嘅角色,隨便捉香港異見人士返中國,並且予以虐待同殺害,大家都知,依家中國隨時衰過北韓。 威豹金融押運 有香港註冊嘅車,有香港嘅人員,同香港嘅槍牌,要做中港跨境押運,其實由香港嘅人員同車輛負責就可以,搵中國嘅車輛同人員負責,我只會認為呢啲車係賊車,大家係會感到好不安,香港無人想呢啲車出現。

跟住,對中國嚟講, 威豹金融押運 嘅車,會唔會被中國個別官員濫用嚟走資之用,呢樣嘢大家都唔知,習近平係無理由俾呢件事出現,呢間公司嘅車,日後真係走私乜都得,完全無辦法去管理,呢個有可能係對中國金融安全最大威脅,乜習近平認為呢樣嘢可以無問題,有 威豹金融押運 嘅車,中國人民銀行有幾多措施阻止走資都唔會再有用,因為一車人民幣,甚至美金嘅現金,已經可以多過晒香港銀聯ATM可以㩒出嚟嘅錢,如果條街有好多中國嘅 威豹金融押運 嘅車出現,大家係唔係有理由中國財政狀況好唔掂,然後狂賭人民幣、中國有關嘅股票,甚至中國嘅Credit Default Swap?我覺得呢間公司搞嘅事情,有太多疑團喺後面,中國同香港兩地政府都欠公眾一個交代。

發表迴響

你的電子郵件位址並不會被公開。 必要欄位標記為 *