Trump

Trump 時代:香港人企錯邊會死嘅

Trump 時代啲國際新聞,完全係你估佢唔到, Trump 同金正恩啲關係,真係寫武俠小說都寫唔到咁嘅情節,馬來西亞變天,更加係超乎想像。但你睇香港啲新聞,如果香港人企錯邊,係好有機會連累全家,絕對唔係講笑,好多算盤唔係咁打。

Trump 時代嘅藍屍算盤係行唔通

香港人成日都以為小寶神功係行得通,所謂小寶神功,就係左右逢源,食兩家茶禮,所以鹿鼎記可以講係查良鏞對香港人嘅政治觀察,所以TVB當年搵梁朝偉演呢個角色係啱。喺英治年代,甚至中國根本同蘇聯對立嘅年代,小寶神功其實並無大礙,因為中國同西方陣營並唔係真係對立。甚至冷戰結束後,都唔係對立,果個大家有錢齊齊搵嘅年代,可以一路擦中國鞋,家人就袋住本西方國家護照,啲親共藍屍好多都係咁,有乜事就去西方國家嘆世界,呢個就係 Trump 時代前果啲香港人嘅算盤。呢種情況下,目光如豆嘅香港中上層係唔會死,甚至生活得好好添。

但 Trump 係好唔同,佢睇穿咗中國同俄國嘅把戲,將左膠拒絕承認嘅新冷戰呢個國王的新衣揭咗出嚟,情況就完全唔同,依家中國同西方唔係盟友,係對立嘅第一線,西方國家國民喺冷戰期間幫蘇聯一般都下場悲慘,香港一樣,除非你唔要外國護照,或者你好有把炮,你係做西方國家同中國之間嘅橋樑,同時得到兩邊信任,否則你揸住西方國家護照,一係被剝奪當地國籍,一係就用西方嘅國家安全法律判重刑,仲要子孫喺西方國家可能好難搵嘢做,因為Security Clearance呢樣嘢,一到新冷戰來臨就好重要。

所以我對香港投共人士嘅睇法係,好多人根本係目光如豆,禍港殃民兼且玩死埋自己,甚至有啲民主派人士,都有呢個問題,例如公民黨果班友。依家係一個take side嘅年代,你只能投靠西方或者支持中國,如果你支持中國,就唔該公開宣布你唔要你本外國護照,唔好抱住西方國家護照支持中國。依家金正恩走數,美國已經有人話要好似隊冧卡達菲咁隊冧北韓,你覺得亞洲真係會咁太平,我覺得並唔係呢回事囉。

發表迴響

你的電子郵件位址並不會被公開。 必要欄位標記為 *