希望聯盟-min

香港版 希望聯盟 :泛民識條鐵

大馬變天,成班泛民或左膠平日唔研究開南洋政治,就扮晒馬來西亞專家。只不過,戴耀廷教授,泛民有戰略頭腦但被當成傻佬嘅人,想香港搞 希望聯盟 。其實 希望聯盟 嘅真身係復仇者聯盟嚟,呢樣嘢佢要搞清楚。另一方面,香港泛民啲政棍果種戀棧權位,以及接近權力嘅亢奮呢兩個問題唔解決,你想搞 希望聯盟 都幾難。

希望聯盟 ?你有林吉祥嘅身段先

呢次大馬變天,林吉祥作為民主行動黨嘅元老,應該去布城抽水,但林吉祥不單不求官,係連去抽水都無,佢就係KK Mart成個阿伯好輕鬆行街,因為對佢嚟講,任務已經完成,建設國家呢啲硬仗由佢個仔,候任財相林冠英去做,呢個就係身段。你估係泛民,成班友仲唔諗點爭位,大家都知泛民啲老屎忽會做啲乜㗎喇。唔好講,會唔會成班友爭住同敦馬合照呢啲膠嘢,或者喺覲見元首果陣點出醜。

大家睇吓一樣嘢,喺大馬,可以搞復仇者聯盟一笑泯恩仇,會唔會請納吉出席,梗係唔會,好似民主行動黨黨慶,今年嘅來賓就馬哈迪,由馬哈迪宣布邊啲人代表民主行動黨出戰國會,呢啲就係敵我分明嘅政治倫理,點似得公民黨,走去請希師奶出席黨慶,仲要同呢條八婆合照。請林鄭月娥出席黨慶,兼且林鄭月娥捐咗錢,果個係有啲意思嘅政治動作,還好,希師奶,鋪鋪希師奶對住公民黨嚟打,仲要同佢合照,結果一地兩檢審議果陣,佢有當過你班友係朋友。好似我唔出席呢啲活動,否則我實追殺希師奶九十九條街。(據聞我上年返歐洲果程機,係維也納直航機,應該我同佢同一班,但好奇怪地,我係見唔到希師奶,唔知係唔係費時我喺歐洲都要開佢拖,你知呢啲聲稱希特拉係民主選出嚟嘅友仔,根本唔應該去維也納,呢個係侮辱奧地利人)。

泛民馬哈迪啲好嘢未必學,不過衰嘢係學到足,好似依家大馬政治大頭佛,原本係由馬哈迪搞安華開始,而迫害安華果啲仆街嘢,依家係許智峯事件上咪做足。跟住啲焦土派、左膠,個個都唔知有無大腦喺個頭度,要佢地組復仇者聯盟?硬膠者聯盟或者有佢地份。所以戴教授係好心腸,但喺泛民膠人當道嘅時候,香港版 希望聯盟 真係無三四十年修為都未必有。

發表迴響

你的電子郵件位址並不會被公開。 必要欄位標記為 *