安華-馬哈迪

特赦 安華 :馬來西亞新開始

呢篇文出街果陣,馬來西亞特赦局應該開緊會商討特赦 安華 ,而安華應該好快就會獲釋。無可否認, 安華 將係馬來西亞第八任首相,至少副首相都應該喺補選後到佢做。但 安華 唔一定要急於做首相,因為依家嘅情況,馬哈迪醫生呢個老人家做住一段時間首相有好處。

安華 無謂整污糟自己隻手

雖然馬來西亞應該步向民主,但對住一啲流氓,至少好似納吉一類嘅仆街,你同佢講道理,分分鐘被對方玩番轉頭都似。但由於 安華 係政治壓迫嘅受害者,如果用啲太辣嘅手段,反而係阻手阻腳,因為納吉呢啲仆街會用道德喜馬拉雅山壓住你,馬來西亞都係有一啲左膠喺度,如果唔係納吉呢條友太仆街,迫出復仇者聯盟出嚟,呢啲左膠仲會阻住地球轉,唔好講話係變天,甚至國陣瓦解。但依家馬哈迪醫生,佢自己都識講,佢曾經係獨裁者,呢條友一直無光環喺個頭上,反而可以敢打泥漿摔角,納吉啲賤招招招都用唔到,因為一早被馬哈迪睇通,甚至馬哈迪行早幾步棋,大家唔覺大馬政治玩到好似House of Cards劇情咁,真係TVB都可以執笠,搵人拍番做劇都仲得。有啲污糟嘢,係馬哈迪做好啲,而 安華 一方面要慢慢摸清番外面世界係乜,另一方面,內政呢啲嘢, 安華 可以專心籌劃,因為馬哈迪清理啲仆街,都唔慌得閒搞掂內政,你估納吉呢啲友仔好易打咩,一個九十二歲人仲要日日同啲仆街周旋。

其實呢種玩法,二次大戰英國戰時內閣就係咁,軍事、飛機大炮果啲嘢,交俾邱吉爾去搞,邱吉爾始終本質係軍人,但內政嘅嘢,包括對NHS制度研究,係當時副首相Clement Attlee搞掂,Clement Attlee係確保當時英國內部運作順暢,呢點其實都好重要,而呢樣嘢,由 安華 加林冠英去處理,清理人渣交俾面都唔駛點要,把口金句頻出嘅馬哈迪,啱啱好。

馬哈迪適合對付納吉呢啲人渣,因為佢好應《變色龍》果句金句:我唔怕啲契弟,因為我最契弟。其實泛民成班友咁有潔癖,呢個係搞唔到香港版希望聯盟嘅原因,連薯片都受唔到,如果結盟果個係曾鈺成,咁又點,雖然曾鈺成一定做唔到馬哈迪,你同我定。曾鈺成係真太監,同馬哈迪呢啲賭撚係兩回事嚟。

發表迴響

你的電子郵件位址並不會被公開。 必要欄位標記為 *