習近平

習近平 搵香港搞創科:香港關係法等玩完

習近平 回覆一批投共香港學者嘅信果陣,「批示」將香港搞成國際創科中心,當然係回應美國喺貿易戰度對中國嘅封鎖。iProA高層啲仆街一定乘機認屎認屁,不過我作為iProA嘅永久異見會員,我可以講, 習近平 咁搞,香港關係法等玩完。

習近平 仲未知香港關係法重要性

依家香港可以同西方社會緊密往來,包括相對容易取得部分西方技術,基礎係《美國-香港關係法》(US-Hong Kong Policy Act),呢條法律令美國視香港為獨立於中國以外嘅地區,可以繼承英屬香港年代種種優惠,以及可以繼續使用美金作為聯繫匯率嘅基礎。呢條法律有個前提,就係香港維持高度自治,以及中國唔可以攞香港作為中國嘅白手套。梁振英呢啲仆街成日掛喺嘴邊嘅超級聯繫人,除咗做萬能插外(或者梁生口味好重喇),仲有一樣嘢,就係叫傻更更嘅香港人做中國嘅白手套。當香港變成中國嘅白手套果陣,你估 Trump 依家係傻㗎,好可能結果唔係通過Marco Rubios嘅《香港人權及民主法案》,而係成條US-Hong Kong Policy Act廢咗佢,屆時香港人就真係共享做中國人嘅榮耀,而一旦有乜經濟封鎖,香港會死埋一份,屆時有排煩。其實美國連香港都捲入貿易戰中,已經係明確警告。

所以我奉勸香港科技界啲擦鞋仔唔好亂嚟,投共IT界中人要發達唔該死去第二邊,因為依家 習近平 嘅「批示」近乎死亡之吻,呢啲風頭火勢,要利用香港地位幫中國做嘢,唔係俾呢啲白痴嘅批示,會死人。依家香港人嘅態度,係應該學義和拳之亂期間,李鴻章、張之洞呢啲人自己同列強簽訂東南互保條約果種態度。如果中國係需要香港真係做中介人,唔該送番香港俾英國先,香港作為英國屬土一部分,反而比較方便做呢啲中國想做嘅嘢,當然前提係香港人都要變番晒英國人喇。Hong Kong is out係真係做到 習近平 想做嘅嘢又安全,依家 習近平 嘅做法,香港啲擦鞋仔仲走去做啦啦隊,香港人如果日後搞到大部分人破產,多謝呢啲擦鞋擦唔切嘅死契弟喇,依家國際形勢係點搞乜都唔知。

發表迴響

你的電子郵件位址並不會被公開。 必要欄位標記為 *