Trump-金正恩-min

金正恩又唔見 Trump ? 中國玩嘢?

喺歐洲時間晚上,英國 Daily Telegraph,同德國 n-TV (Die Welt同系媒體)都爆出呢條消息,突然北韓可能以美韓軍事演習為理由,要取消美朝會談。呢件事我覺得好奇怪,點解金正恩又打算唔見 Trump ,依家照計金正恩已經賣咗個屎忽過去。我相信軍事演習呢家嘢,無乜理由係暫緩談判嘅理由。

Trump 被中國起尾注?

大家留意一點,依家起尾注嘅時間,喺 Trump 表示正放緩對ZTE嘅制裁後出現,咁係唔係中國俾壓力金正恩走數,中國攞咗美國佬著數就自己走。如果係嘅話,我相信中國人仲未意識到同一個生意佬打交道,一旦走數可以有幾危險。

Trump 係典型美國生意人,如果有走數事情發生,係一定搵律師sue爆你為止。但國際政治無得搵法院要求履行合約呢回事,咁會點,咁不單美國會加倍制裁北韓同中國,而且中國會死唔只ZTE咁簡單,仲有好多公司要死。當然依家呢個消息言之尚早,依家未知係唔係金正恩為緩和國內壓力嘅要求,但好大機會北韓宗主權係ZTE被放生嘅條件,否則 Trump 唔會成日話中國喺北韓問題上幫到好多,但依家中國睇唔住北韓,係會有後果 所以未來幾日北韓會點表態,特別會唔會招待記者參觀豐溪里嘅核試場,係成件事關鍵中嘅關鍵。

如果中國係聰明,唔好起 Trump 尾注,起生意尾注係真係會衰過得罪方丈,保證出事。無錯,北韓喺北京防衛上係重要,但如果唔想深圳死嘅話,接受 Trump 嘅條件係唯一選擇,但中國有啲人以為,仲有方法可以唔跟美國嘅offer,甚至我懷疑中國開放農業市場換取ZTE被放生都係唔會履行嘅承諾,屆時唔係北韓出事,因為北韓呢個政權只要稍為再禁運吓就會死,我怕係 Trump 對中國十倍奉還,好明顯有人並唔知 Trump 嘅做事手段同性格。特別呢件事, Trump 本來可以攞彩寸左膠,如果令佢反而變成左膠嘅恥笑對象,你覺得 Trump 會點回應。所以,未來幾日呢個世界真係好戲連場,睇國際新聞一定好睇過睇香港啲白痴喺度亂嚟仲以為自己好醒。

3 thoughts on “金正恩又唔見 Trump ? 中國玩嘢?

  1. 所以我一早分析北韓問題時,以同你說這是有變數的,不好相信電視上那些左膠畫面,兩個大男人斷背式手牽手輕輕漫步,在橋上咬耳仔細語,這些全是宣傳比市民睇的.因為幕後還有個中共政府,如果貿易問題談不到, 北韓核問題一定會串聯一起來放在議程上向美國施壓力, 因為中國沒有什麼牌在貿易問題上可以打,北韓問題對美國來說是一個可用的pressure point.它一定會拿來用,果然不出所料!你要明白他們倆是流氓政權,你用流氓的思考模式便可知一二.

發表迴響

你的電子郵件位址並不會被公開。 必要欄位標記為 *