Tempo-廁紙-min

Tempo 廁紙唔好用:因為唔係歐洲做

消委會今日發表報告,指 Tempo 廁紙係貴,但表現連惠康自家牌子都不如。當然,消委會嘅研究同調查方式,本身都有問題,但係,如果你知道 Tempo 香港都係維達果陣,你根本唔會有興趣買 Tempo 嘅廁紙,不如睇吓有無公司肯入口日本廁紙好過。

歐洲無 Tempo 廁紙

最正宗嘅 Tempo 一定喺德國,德國至今啲box tissue 同紙手巾都係 Tempo 佔最大佔有率,呢個唔駛講,但德國,無論李氏力場旗下嘅Rossmann,定德國自家嘅連鎖集團dm,都係無 Tempo 廁紙賣,只有可以掟落馬桶嘅 Tempo 濕廁紙賣(歐洲好興),喺歐洲,同 Tempo 同集團嘅Essity(即係前SCA嘅衛生紙同尿片部門),賣嘅廁紙嘅牌子名係Zewa,如果係商業用係Tork(呢啲可以自己買商業用廁紙,但好唔好用自己評斷)。所以香港被劃入維達旗下嘅香港 Tempo 果啲廁紙係乜嚟,我完全係唔知,因為德國唔會有 Tempo 廁紙,你直接賣番 Zewa 呢個牌子可能無咁嬲。

而 Tempo 廁紙等同Zewa邊條line嘅紙,呢個至係問題,如果係最平果隻 bewährt ,咁就死得,擦到好似草紙都得,但 Zewa 嘅 Premium 同 Ultra Soft 呢啲line,就係好嘢嚟。但 Premium 講緊喺德國賣都 4,95 EUR 八卷,香港 Tempo 嘅價錢嚟計,好明顯唔似係 Premium 或 Ultra Soft 呢啲line嘅紙,甚至係唔係歐洲原紙都有疑問,至少我喺德國住,我喺對面河果個城市 Neuss 有成間 Essity 嘅廁紙包裝廠,我知我啲廁紙其實係萊茵河對岸運嚟,但 Tempo 香港係賣緊啲乜俾你,我真係唔知喎,雖然維達嘅最大股東係 Essity ,但維達始終係一間以中國為基地嘅公司,大家話係唔係。

點解有時喺香港都要買外國入嚟平行進行貨,因為真係唔知你啲所謂「代理」、「原裝正版」係乜來源,你話香港人唔知外面乜事就仲昆到人,但如果你知外面世界係點嘅人,見到香港賣嘅嘢,點覺得自己俾嘅錢係心甘情願?

發表迴響

你的電子郵件位址並不會被公開。 必要欄位標記為 *