印尼-ISIS-min

印尼 ISIS 問題應該如何處理

近年有一單自己家鄉嘅新聞,我睇到好不安,就係 ISIS 喺印尼不斷發動恐襲,黐線到全家出動,細路仔縛上炸彈咁炸人都得, ISIS 呢班友除咗係人渣,我無第二樣嘢可以形容。而我作為印尼華人,我認為依家佐科政府對國內日益猖狂果啲宗教極端分子係唔夠硬淨。

ISIS 回國 + 政棍抽水 + 沙特影響

要了解印尼突然多咗成堆 ISIS 搞事,一定要了解近日 ISIS 喺伊拉克同敘利亞潰敗,呢啲友仔係無消失,亦唔會反省佢地嘅錯誤,佢地回國就繼續招兵買馬,印尼無徹底註銷呢啲 ISIS 及其家人嘅印尼國籍,係注定搞出問題,佢地返國唔會做正經嘢,係繼續發佢地嘅聖戰夢,甚至搞到全家送死。所以我話佐科唔夠硬淨係呢個原因,大馬同新加坡嘅反恐法律十分之辣,都係呢啲激進分子根本係炸彈嚟。

另一方面,印尼啲政棍抽宗教水都抽得好嚴重,好似老屈鍾萬學果件事,根本係果班蘇哈圖年代果啲狗屎垃圾,走去轉型攞回教嚟吸引果啲只睇宗教,唔睇是非嘅基層選民,而有政棍加持,你諗吓呢啲政客邊會捉喺清真寺亂咁講嘢果啲仆街,結果咪出事。而亞齊更加唔駛講,全亞洲行回教法最黐線嘅地方,我諗如果亞齊政治無大變,我短期內都無乜機會返亞齊,我完全接受唔到亞齊民主化同自治,竟然俾班仆街教棍攞去騎劫,簡直係黐線。

跟住沙特影響都有關,其實納吉政權後期,已經捉咗啲喺清真寺亂講嘢果啲沙特嚟嘅教士或神學生,而沙特猛喺喺印尼加鹽加醋,依家咪搞到印尼一街都係炸彈。所以對我嚟講,沙特同伊朗都係仆街,沒有誰比誰仆街,呢兩個國家啲當政者,都係攞回教作為濫用暴力同權力嘅依據,為所欲為,不知所謂。

你問我駛唔駛對印傭加以防範,其實大部分情況都唔駛,如果你個印傭係信基督教,或者本身打扮新潮,你應該覺得好安全,但如果你個印傭平日手機睇啲嘢,有可能用ISIS有關,你應該小心,甚至同印尼駐港總領事館講聲,因為印尼政府係需要知道呢啲嘢,以便反恐。可能話俾印尼使館聽有效過話俾香港警察班茂利聽,呢班政權打手,對真正反恐識條鐵。

發表迴響

你的電子郵件位址並不會被公開。 必要欄位標記為 *