管浩鳴-min

管浩鳴 治下嘅聖公會啲奉獻係點管理

聖公會嘅 管浩鳴 ,相信大家由佢加入政協、政治言論極左,以及加入團結香港基金一類垃圾組織,都知佢一定唔係乜嘢真正相信基督教嘅人,用教棍嚟形容佢都無錯。依家有人篤爆佢利用空殼公司嚟炒樓,避過加辣措施嘅印花稅,成件事就令大家更加懷疑聖公會管治有問題。呢單嘢未解決前,特別 管浩鳴 未有清楚解釋前,果啲十一奉獻係唔應該俾教會住。

管浩鳴 嘅作為令人起疑

首先, 管浩鳴 作為一個牧師,點解要大潭嘅豪宅。牧師一般唔應該有巨額財富,足以買起豪宅,好多天主教神父或修士都係住番喺修道院內,好似陳日君樞機主教就係。 管浩鳴 嘅財富來源,本身已經足以引起公眾懷疑,一個真正嘅神嘅僕人,要咁多物質享受嚟做乜,呢件事,我相信聖公會真心嘅教友,應該問一吓 管浩鳴 。

跟住另一件事更有趣,就係 管浩鳴 竟然喺黃大仙投資鋪位,投資鋪位都算,仲要租果間工程公司,係由 管浩鳴 契女嘅家人擁有,如果果間公司唔係接聖公會嘅project都算, 管浩鳴 嘅私生活關我叉事,最大問題係,果間嘢又有接聖公會嘅project,咁大家想問,究竟聖公會啲財政,特別係啲教友嘅奉獻其實係點管理,教會腐敗唔係新聞,否則五百年前唔會有路德的九十九條綱,掀起宗教改革嘅大潮。依家大家想知,究竟聖公會啲錢係點管,依家聖公會港澳教省,會唔會搞到好似五百年前嘅天主教會咁腐敗。

點解香港人對啲投共教棍特別反感,因為你近得共產黨班人渣多,你自然好多做嘢手法,特別喺處理錢銀方面,同老共班友一樣嘅做法,好似有限公司炒樓呢家嘢,你估得 管浩鳴 一個,大家由律政司司長鄭若驊嫻熟嘅僭建手法,到財政司司長陳茂波同佢老婆玩呢啲嘢,玩劏房玩到咁熟,都知根本呢個係土共嘅次文化,最唔講法治同道德,其實就係呢班當權者,好多淺藍或藍屍,就以為可以透過附和呢班友黐到啲利益,或幻想自己都係利益集團嘅一員,呢個就係今時今日腐敗透頂嘅香港。唔通香港都要等一個類似敦馬咁熟呢班友做乜,但又大徹大悟嘅人,然後用霹靂手段一嘢炸爆呢班友先得。

發表迴響

你的電子郵件位址並不會被公開。 必要欄位標記為 *