獅子山-港獨-min

港獨應該要掛乜嘢上 獅子山

有支持港獨嘅人想喺 獅子山 上學泛民掛旗,但見到差佬就落荒而逃。泛民點膠都好,佢地好多係實務操作上有經驗,就係有經驗。掛旗上 獅子山 本身係一個戰術行動,戰術行動係要有部署,唔係心口得個勇字,以往啲「勇武派」被人詬病係呢樣嘢。港獨派應該掛乜嘢,同點掛嘢上 獅子山 或其他香港山頭,呢個係一個問題。

港獨應該掛香港旗上 獅子山

首先,唔好掛獨立兩個字上去,呢個係好難攞到一個最大公約數,而且視覺上唔夠明確。最好攞到最大公約數,係掛1997年前嘅香港旗,或香港徽號,當然掛市政局徽號都可以(掛市政局徽號啫 我想知香港特膠政府可以屈你啲乜),唔好掛經熱普城集團修飾過嘅任何徽號,你只會倒米,原裝香港旗、香港徽號或市政局徽旗或旗幟,一切就盡在不言中。

另一方面,唔一定要係 獅子山 ,因為 獅子山 掛得太多次,啲差佬可能有常規巡更,其他山頭可能更加有可能性,當然可能亦更加有危險性,可能需要係多去行山,去視察環境,而且亦唔會被一啲大中華膠話,你都係抄泛民嘅玩法,呢啲大中華膠最鍾意咁樣去否認港獨派嘅做法,雖然中國人搬龍門起嚟,十萬八千個理由都會有。

同埋我發現香港好多年青人,係忽視通訊安全,如果你搞得掛旗上 獅子山 呢啲嘢,唔該唔好用WeChat,甚至相關嘅通訊唔好用Facebook,因為大家都知陳澍係乜嘢契弟嚟,最低限度係Skype或Telegram,如果想保安啲,可能係Signal或者Tox之類嘅通訊軟件,喺無法上網通訊嘅場合,至少係Digital Walkie-Talkie,如果你連基本加密都未搞掂,就唔好學人上台掛旗,我相信統監府以至警方,都花費好多非法資源喺政治監控上,而我發現香港人仲以為自己係太平盛世咁。相信同歐洲嘅玩法,真係堅無得比。

你掛得到旗,你就會汲取到唔少經驗,用於日後行動同抗爭,當然,背後嘅論述係最重要,無錯,社民連應該係最有豐富掛旗經驗,只不過佢地嘅論述,根本入唔到屋,就掛一百次都唔會有用,諗清楚成個政治論述係最重要。

發表迴響

你的電子郵件位址並不會被公開。 必要欄位標記為 *