李聲揚-min

李聲揚 呢啲財演請鬧人前做吓功課先

李聲揚 呢啲財演一直都好乞我憎,但佢唔犯人,我亦費時郁佢當幫佢宣傳,只不過,佢郁完膠總,但再郁我,咁就唔好意思。我唔係專業講股佬,但我都會睇你班仆街財演做乜,真正嘅大行研究員,係唔會成日上電視做sales啲嘢(做sales嘢一早做RM搵得仲多係)。但佢依家講啲嘢,我真係要駁斥吓。

李聲揚 呢啲財演就係叫人買碧桂園果啲茂利

首先,升0.7%就覺得無事喇,有無大戶喺後面托住,其實AAStocks係有大手成交分析功能

李聲揚-碧桂園
李聲揚-碧桂園

散戶成交都係幾百萬(佔成交1%),但一邊有超大手賣,同大手賣,然後有大戶係咁接貨托住,呢啲嘢又唔見 李聲揚 講?你依家叫啲散戶去冒不必要嘅政治風險呀?呢啲友仔完全係不負責。

好啦,跟住係 李聲揚 同碧桂園呢間公司之前啲關係問題, 李聲揚 係成日都叫人買碧桂園股票,好似佢仲喺金英證券做研究部果陣,就出過份咁嘅研究報告。

李聲揚-碧桂園-2
李聲揚-碧桂園-2

財演經常推介某啲股票,好多時啲agenda都係不明,所以我第一時間會質疑係, 李聲揚 本人,以及佢任職嘅星展唯高達,究竟喺過去十四日,進行果啲碧桂園股票交易係點嘅一回事,包括有無人想乘機叫散戶接火棒。我依家係未時間研究, 李聲揚 推介過幾多次碧桂園,但呢條友你信唔信得過佢,你自己估。由於德國係全球徵稅,所以我可以聲明在先,我並無持有任何香港股票、衍生工具產品、債券產品,我係以一個超然於任何利益嘅平民去作出任何關於碧桂園嘅評論。

呢個世界,有價值嘅股票分析,應該係要磅水,喺傳媒提供嘅免費貼士,你估呢個世界真係有人免費教你發財?證券行派人上電視台或有財演喺Facebook發表財經評論,呢啲免費股評無agenda,我唔多信。我就話係業餘研究,但呢啲財演全部掛住證券行乜乜董事嘅名,唔係好忙嘅咩,點解仲有時間喺Facebook或電視節目度指點江山,呢啲好明顯當中係有問題,否則台灣唔會NCC嚴管呢啲財經演員,管到唔准分析個別股票嘅地步。我諗其實證監會,應該好好研究吓管吓啲財演,簡直係亂象。

發表迴響

你的電子郵件位址並不會被公開。 必要欄位標記為 *