有線記者-汶川-五毛-min

汶川被打 有線記者 被老屈事件:Facebook幾時殲滅五毛群組

有線記者 喺汶川訪問果啲豆腐渣學校家長被村官打,呢件事十分之離譜,當地政府所謂嘅道欺虛偽到爆。呢點都算,但估唔到啲五毛人渣,可以P圖老屈 有線記者 講「支那」而被打, 有線新聞部隨即出聲明反駁。呢啲擺明係fake news,但點解Facebook唔處理?

有線記者 被老屈事件:陳澍應該出嚟交代

香港啲五毛群組,好多涉及言辭上恐嚇同誹謗言論,如果Facebook真係跟正Community Standards行事,應該係一早ban咗呢啲群組同用戶,但Facebook依家好明顯係縱容五毛,長期唔處理果啲fake user嘅投訴,部分五毛群組可以admin長期隱形情況下,作出不負責任言論,只不過,以往好少惹到有線新聞部呢一級嘅方丈。但呢次 有線記者 被打完再被老屈嘅事件,我想問陳澍,以及Zuckerberg打算解釋,係唔係縱容fake news橫行根本係Facebook一貫政策嚟。香港漢奸活動觀察小組呢個Group,不論公開定非公開都應該取締,同埋相關用戶,如果涉及中國IP嘅假用戶,係應該交俾美國情報部門進行分析同處理,否則依家英美國家只會係處理完一堆俄國fake news maker,但換嚟係一堆華人嘅fake news maker,根本係無解決過成個核心問題。

當然,我相信陳澍係唔會交代,如果陳澍唔交代,我個人認為,有線電視應該積極考慮告Facebook Ireland Limited,迫佢地交出資料,喺5月25日之前,香港Facebook大部分用戶仍然係由Facebook Ireland Limited管理,佢地係有責任交出資料,但唔好等到5月25日之後,美國之所以fake news橫行,因為美國嘅誹謗法律鬆到好難告入去,唔好講Facebook Inc自身嘅法律責任。

對五毛嘅容忍度係有個限度,而依家連 有線記者 都被老屈果陣,香港人係時候迫Facebook清理五毛,呢啲人以為喺網上用啲Open Proxy或中國聯通SIM卡或者麥記嘅HKBN Wi-Fi上網可以亂咁嚟,我覺得無可能咁容易。

One thought on “汶川被打 有線記者 被老屈事件:Facebook幾時殲滅五毛群組

發表迴響

你的電子郵件位址並不會被公開。 必要欄位標記為 *