Eurovision-2-min

Eurovision 2018 :欣宜都攞到冠軍?

第一屆人喺歐洲住睇 Eurovision ,但成個結果真係充分歐洲嘅膠力接受度,應該講,係重口味接受度,今年嘅冠軍係以色列,下屆舉行地點係以色列都係小事,我估保安係挑戰。只不過,以色列今屆冠軍重口味程度,對我呢個喺香港住咗幾十年嘅人,真係啞鬼咗。

Eurovision 欣宜都可以一戰?

首先我要解釋一吓 Eurovision 嘅評分,一半係觀眾SMS或電話投票(App投票會跳入SMS,確保你係European投票,澳洲因為唔係同步直播,理論上好難投),一半係43參賽國(包括澳洲)嘅評審,先公布43參賽國評審,評審可以俾分俾12個參賽國,最高俾12分,一路順序俾到1分。跟住,就係用類似公式,計算公眾投票結果,而得出最終賽果。

首先,大家睇吓以色列嘅造型先

Eurovision-2-min
Eurovision-2-min

大佬,極重口味,不過佢唱係女權歌,加上其他嘅唔夠突出,同埋 Eurovision 部分國家評審有俾番高分俾類似語系嘅壞習慣(例如德國攞到12分評審嘅國家,係瑞士、荷蘭、丹麥、挪威全部文青風國家,跟住黑山俾高票塞爾維亞,而希臘俾高票塞浦路斯,呢啲真係黐線到爆),所以以色列已經佔據評審三甲。大家都知 Eurovision 啲觀眾一向好有投賭撚票嘅習慣,好似法蘭西,無論觀眾定評審都好一致俾夠12票,咁大家估到當大量觀眾票湧入嚟係乜結果,就係一個極重口味嘅結果,又一次出現喺 Eurovision 。

所以我話欣宜都可能可以一戰 Eurovision ,因為呢個大賽經常有賭撚賽果,例如2006年芬蘭出隊重金屬組合出嚟攞冠軍,2014年奧地利雌雄同體,加上以色列本來有玩黐線嘢嘅前科,1998年以色列係變性人出戰攞獎,仲未計德國都派過唔少賭撚出嚟,既然今年英國嘅成績咁垃圾,不如試吓喺香港借欣宜過嚟(如果佢仲持有BNO),我真係覺得隨時幫香港同英國殺出一條血路,真係唔好講笑。我不得不同意德國之聲講, Eurovision 成日出啲好嚇人嘅嘢出嚟,香港唔組隊賭撚嚟歐洲玩嘥晒。

發表迴響

你的電子郵件位址並不會被公開。 必要欄位標記為 *