林冠英-華人部長-min

中國記者喺 林冠英 記者會出醜:並無中國人部長呢回事

林冠英 一如我之前所料,被委為財政部長,只不過, 林冠英 擔任財政部長,就引嚟中國啲垃圾記者,問佢對做中國人財長有乜感想, 林冠英 一回飛埋去:I don’t consider myself as a Chinese. I’m a Malaysian。果個記者嘅問題,充分反映呢啲中國記者對中國法律,以至南洋歷史嘅無知。

林冠英 只會係馬來西亞人

首先,根據1974年嘅中華人民共和國同馬來西亞嘅《建交公報》第五條

中華人民共和國政府注意到馬來西亞是由馬來血統、中國血統和其他血統的人構成的多元民族國家。中華人民共和國政府和馬來西亞政府聲明,它們都不承認雙重國籍,據這一原則。

中國政府認為,凡已自願加入或已取得馬來西亞國籍的中國血統的人,都自動失去中國國籍。至於那些自願保留中國國籍的僑民,中國政府根據其一貫的政策,要求他們遵守馬來西亞政府的法律,尊重當地人民的風俗習慣,與當地人民友好相處。

凡揸住大馬passport有華裔血統都唔係中國人,齋係呢一點,呢個記者都可以炒魷魚有餘,認屎認屁係有限度,至少唔好喺南洋認屎認屁。

跟住,呢個記者係問緊乜黨嘅財長都唔知,你問緊係民主行動黨嘅財長,民主行動黨前身就係人民行動黨喺馬來西亞其餘各州嘅支部,喺新馬分家後,人民行動黨唔可以保留喺大馬嘅黨部,果啲留番喺度嘅黨部改名做民主行動黨,黨徽由閃電變火箭,而民主行動黨雖然華人佔多一啲,但一向主張係「馬來西亞人的馬來西亞」,即係Malaysians’ Malaysia,依家 林冠英 回應係重複黨嘅主張,兼且指出呢個記者連基本功課都無做,亂問廿四。

所以中國記者係好多垃圾,據聞呢位記者係鳳凰衛視,呢個正宗係扮香港嘅垃圾台,我聲明在先,鳳凰衛視同香港一啲關係都無,佢只係香港做總部,但啲人全部唔係香港人,我亦強烈要求鳯凰衛視唔好再扮香港台,唔該搬番北京做總部,做番堂堂正正嘅中國台好。呢啲共產黨派出嚟嘅種族主義垃圾記者,真係令人丟架。有華裔血統都唔代表乜都關中國事㗎,唔好再玩希特拉式種族主義。

One thought on “中國記者喺 林冠英 記者會出醜:並無中國人部長呢回事

  1. 本網站係德國註冊公司旗下,基於德國現行法律,所以反猶言論必須刪除

發表迴響

你的電子郵件位址並不會被公開。 必要欄位標記為 *