納吉-著草-min

納吉 著草

納吉 喺一個大馬 1MDB 呢個主權基金貪咗咁多錢,連佢嘅大女,都公開篤爆 納吉 同佢老婆有幾貪,其實都估到條友會著草,否則馬哈迪醫生都唔會趕住宣誓就職,就係要制止 納吉 亂嚟。只不過, 納吉 似乎佢驚玩唔過馬哈迪,所以雞咁腳著草,有架私人飛機接佢去印尼。

納吉 去印尼渡假你信佢

當然用飛機著草呢樣嘢真係好膠,因為飛機係要交代乘客名單,而有人喺乘客名單果度見到佢個大名,以大馬人咁憎佢,你覺得無人向傳媒爆響口?啲傳媒編輯忍咗你 納吉 條仆街幾耐至得,所以好快已經有人爆大鑊,如果要著草,係都坐車,只不過以佢同新加坡嘅關係咁差,新加坡都無乜理由俾你條友入境著草,所以我只可以講,呢條友掌握權力太耐,掌到以為自己仲有做首相嘅餘威,真係睬佢都傻。

依家 納吉 著草嘅結果,好可能係加快馬哈迪改組反貪會嘅決心,畢竟依家啲劇情都太胡鬧,好似沙巴嘅情況,無喇喇國民團結黨(STAR)果兩席入國陣袋,唔係有人磅咗水邊個信,都未計沙巴果啲票箱出出入入果啲怪事,本來馬哈迪就要早日改革反貪會,清理國陣果班仆街,依家 納吉 玩到走佬喎,唔駛講喇,依家睇邊個入去做,只不過好大機會出現嘅其中一個人,正係南洋評論時事,佢敢認第二,無人敢認第一嘅丘光耀博士,睇嚟丘光耀轉任反貪會第一單要處理嘅大案,就係 納吉 案,似乎都係要早日配多幾副老花眼鏡,應付大量涉及洗黑錢等貪污罪行嘅法律文件。

納吉 著草,跟住成班國陣嘅友仔,唔係商量退出國陣,就係直頭想入希望聯盟,真係呢班大帝果種為咗錢精心計算嘅行為,好得人驚,所以馬來西亞依家唔只要一個鐵腕反貪會,以及儘快將 納吉 同佢老婆呢啲極度貪官還柙,仲要改革馬來西亞果種政壇貪污文化,真係沒有最核突,只有更核突,為咗保住權力cap水無所不為,咁樣搞法,真係會擔心係連希望聯盟都腐敗埋,呢樣嘢,係首次政黨輪替果陣最怕,依家馬來西亞國陣啲友仔唔要面程度,遠遠勁過台灣第一次政黨輪替果陣嘅中國國民黨,用癌細胞嚟形容呢班仆街都無點死錯人。

香港人都要睇吓會點發展,日後啲土共,可能都會係咁。

One thought on “納吉 著草

  1. 全大馬國民寄望安華
    如果到時 “減少貪污” 同 趕走蝗蟲地產霸權

    咁已經救左馬來西亞

發表迴響

你的電子郵件位址並不會被公開。 必要欄位標記為 *