BNO-續期

對壹週刊談及 BNO 居英及居歐權利訪問嘅回應

今日有讀者forward俾我,壹週刊關於 BNO 居英同居歐權利嘅訪問,跟住果件英文盲字都唔識多個嘅澳門人,又想抽水。我本來喺公幹途中,但我都抽時間略作回應,主要係幾樣嘢,為免大家唔小心中咗伏都唔知,咁就唔好喇。

BNO 居英、居歐等問題

先講領事保護, BNO 係受英國領事保護,有事實好過班友只識貪污嘅中國領事館,中國領事館係有名不務正業,呢個係唔識講。

跟住係居歐,要 BNO 居歐,係唔駛入英國,因為果項權利 2004/38/EC 嘅一部分,當然果件澳門人唔駛回應我,你自己搞清楚你自己本葡國公民卡上面有乜item先。當然,真係用過葡國公民卡喺歐陸同英國行使2004/38/EC權利嘅,都估到張公民卡有啲乜嘢問題,我唔多講。

跟住係居英,Windrush Generation事件裡面,大家見識過Home Office可以有幾行政混亂,佢混亂程度比歐洲嚴重好多,歐洲承認 BNO 居歐權,果個唔係administrative error,因為電腦年代,如果果個國家嘅戶籍電腦系統良好,係唔會認錯或出事,係有法理考慮,當然果個法理考慮,免費版唔講。但 BNO 喺英國國籍中,佢喺英國嘅逗留權利,我都係果句,充滿咗彈性。正因為太有彈性,所以一旦Home Office內部有事亂嚟都幾頭痕,所以我建議大家可以renew BNO ,但除非你攞咗Tier-5 visa,否則唔好亂咁留英,雖然 BNO 果句奇怪到無朋友嘅Oberservation,其實Home Office內部都唔知點處理,因為佢唔係好符合IA 1971 Immigration control要求嘅產品,呢啲咁灰色地帶嘅嘢,一般公務員係唔識妥善handle。

簡單嚟講, BNO 係一件英國政府精心設計嘅法律怪物,我都係研究咗廿年,先至大致上摸清英國佬玩乜,除非你十分熟悉佢當中嘅運作邏輯,否則留英果度,不如renew咗 BNO 先,再睇英國政府點改革 IA 1971,因為 Windrush果件事,IA 1971同BNA 1981都證明係過於複雜,行唔通,屆時再算,但依家唔好亂咁留英。

發表迴響

你的電子郵件位址並不會被公開。 必要欄位標記為 *