馬哈迪-馬哈蒂爾-min

王室同 馬哈迪 唔合作?唔識寫咪亂X咁寫

我晏啲,會喺Medium詳細寫,我對馬來西亞未來政局嘅分析,因為實係長文,Medium適合啲。只不過,香港傳媒喺呢次大馬大選度亂X咁寫,我都係要丙香港傳媒多一次,新華社有political agenda你一定要跟架。好似話王室玩嘢阻 馬哈迪 宣誓,我只可以用Trump嘅tone講:This is fake news。

馬哈迪 遲宣誓嘅原因

正常嚟講,其實唔駛咁快宣誓,特別呢次政黨輪替,理論上應該搞場大龍鳳至係,但 馬哈迪 要快宣誓,因為佢唔做首相,納吉條仆街會快快燒文件,屆時乜叉都唔駛查,越早接掌權力越安全。而納吉你估佢唔知可能會輸,除咗佢應該燒咗部分文件外,佢仲出賤招, 馬哈迪 自己有土著團結黨,但用埋啲怪招迫土著團結黨註冊註銷,所以 馬哈迪 臨時臨急以公正黨人身份出戰。

如果佢無贏選舉,用公正黨人出戰唔會有大影響,但贏咗係另一回事,照常理,王室揸正嚟做,係要邀請公正黨嘅領袖,即係安華個老婆做首相,所以選舉結果一出,王室係立即召見安華老婆,由她出面表明邊個做首相。如果唔係納吉玩嘢, 馬哈迪 一早做咗首相,關王室叉事咩。

安華老婆講係指定 馬哈迪 做後,王室為謹慎起見,先要求各當選議員畫龜簽字支持 馬哈迪 ,大佬呢個絕對要時間,你估啲當選議員係鐵人,仲未計佢地本身都搞緊自己個州嘅籌組政府問題。好嘞,已經十分之快,下午收晒信件俾王室,統治者係要再召開希盟四大成員黨領袖去確認,之後就可以叫政府首席秘書做嘢預備宣誓儀式。呢個係照例做嘅問題,依家香港有報章,係收咗中國柯打挑撥王室同首相之間關係,呢個係十分之嚴重嘅事,我係有理由要求相關香港傳媒嘅老總解釋佢地點解做呢個離晒大譜嘅編輯決定。

當然, 馬哈迪 之前做首相果陣,因為削弱王權,同啲蘇丹係有啲心病,但邊個州蘇丹叫聯邦政府儘快委任 馬哈迪 為相,就係之前被削過王權,同 馬哈迪 有啲牙齒印嘅柔佛蘇丹。呢次成棚馬來統治者都係為子民福祉,暗地幫 馬哈迪 ,呢啲跟開就知。香港啲傳媒係唔係人睇,大家自己都心照。睇國際新聞,都係咪睇香港中文傳媒。

發表迴響

你的電子郵件位址並不會被公開。 必要欄位標記為 *