Trump-國會

Trump 同金正恩喺新加坡會面:隊冧納吉嘅結果

侵金會已經敲定喺新加坡舉行,其實之前金正恩向ICAO申請開平壤-仁川航道已經露玄機,我都分析過,只不過,呢次 Trump 同金正恩確定地點喺新加坡,啱啱撞正馬來西亞大選結果出爐,呢件事,就好清楚成件事點玩,納吉被趕出布城,係金正恩喺新加坡舉行嘅必須條件。

Trump 同金正恩喺新加坡開會必須趕走納吉原因

新加坡一直好想喺南北韓問題上有所作為,否則我果篇《中國應有秩序俾南北韓統一》篇文,就唔會最終喺《聯合早報》刊登,睇香港嘅報紙國際評論真係一啲營養都無。問題係,如果要喺新加坡舉行,就必須經過大馬領空,而大家仲記得馬航果單古怪空難,至今都未話搵到架機,成件事點搞出嚟完全匪夷所思。呢個情況下,侵金會係唔可能喺新加坡舉行,因為你唔知納吉喺北京指示下會做啲乜,北韓啲飛機領航系統係好差,搞得唔好隨時全程由大韓民國空軍護送,你話一旦金正恩架機被北京用茅招搞掂咗,件事點交代。所以除咗仁川-平壤航道,大馬變天係另一個必須條件,至少要柔佛唔受納吉控制先。

依家件事清晰好多,納吉政權已經玩完,而柔佛政權亦喺馬哈迪相關人馬手上,金正恩架飛機進入大馬上空,有英國同澳洲皇家空軍北海基地加持,應該絕對安全,咁喺新加坡呢個中立場地舉行就順理成章,新加坡得到多年以嚟努力經營嘅回報,呢個同納吉呢個親共政權崩潰有關。馬哈迪,甚至依家DAP嘅華人,唔會對中國班友咁客氣,因為無中國撐腰,點可能馬來西亞政治會搞到今時今日咁亂嘅樣至得㗎。

如果香港仲喺英國統治下,其實 Trump 應該會揀香港類似侵金會嘅會面,只不過依家香港淪入中國之手,呢啲機會變咗拱手相讓積極學做國際和事佬嘅新加坡,新加坡成日話想做亞洲嘅瑞士,其實某程度,新加坡做亞洲嘅和事佬呢家嘢,如果做得好係值錢,除咗好多國際組織會選擇新加坡作為亞太總部外,呢個亦係對新加坡安全保障一部分,有時候,國家安全唔係吓吓只靠飛機大炮,外交手腕同飛機大炮係同等重要,特別好似新加坡呢種size同位置嘅國家。

2 thoughts on “Trump 同金正恩喺新加坡會面:隊冧納吉嘅結果

  1. 就算喺英國統治下,金三世應該也不會來香港開會,畢竟這裡太近中國大陸了,太容易受中國問題影響。別忘記當年周恩來都差D被炸死。

發表迴響

你的電子郵件位址並不會被公開。 必要欄位標記為 *