碧桂園-min

馬來西亞大選最大輸家: 碧桂園

馬來西亞大選塵埃落定,如果香港人以為呢次選舉同你無關,咁你要睇吓你有無買碧桂園森林城市呢個仆街樓盤,如果你有嘅話,呢已經係受害者,你搵納吉算賬喇,另外,如果你打算喺大馬置業,你最好先諗清楚先,唔好亂嚟。

碧桂園 森林城市有乜問題

碧桂園 森林城市係馬哈迪醫生指明有問題項目,呢個以新加坡旁邊樓盤做賣點嘅地方,喺柔佛依斯干達特區,呢個樓盤之所以有問題,因為呢個城鎮唔會為馬來西亞人帶嚟就業機會,但帶咗成班中國移民喺個城鎮度,大佬,呢啲係殖民城鎮嚟㗎,呢個依斯干達特區,如果我直接講,呢個係中國一帶一路之名下洗黑錢兼且殖民馬來西亞,威脅新加坡安全嘅項目,根本係一早要執咗佢,而香港人唔知南洋係乜形勢,仲懵盛盛走去買喎,呢次咪一次過瓜柴。由於 碧桂園 唔只一個呢啲項目,喺大馬果啲固然唔會有好日子過,喺其他國家果啲,遲早都會被人查。

雖然馬來西亞變天,馬來西亞似係一個住得人嘅國家,但我對喺南洋置業呢家嘢有保留,首先,南洋好多國家有對產權實施國籍甚至種族限制,除非你係本身有南洋背景,例如你父或母係印尼華人,有印尼出世紙揸手,你揸印僑證置業係無事,因為印僑證權利大部分等同印尼公民,呢個無問題。但馬來西亞,除非你有馬來土著血統,否則我唔建議你買地或房產,否則點會啲馬來西亞華人為保住自己家族產業,好多都唔退出大馬國籍,呢啲騎呢嘢,我們呢啲南洋人子弟,大概都知乜事,但好多香港人都唔知乜事,更唔好話叫佢地睇成串印尼文或馬來文嘅法律文件。

同埋一樣嘢,以香港唔少對印尼人或馬來西亞人嘅鄙視態度,或對當地人文化唔了解,你去當地置業或定居會出事。我自己去馬來西亞定居,梗係無乜問題,因為飲食、語言、生活習慣,我自己自細都個果個款,識得邊啲禁忌,香港人,你睇班友平日點對印傭至得,如果唔係印尼嘅回教比較世俗化,甚至有啲印傭嚟香港係逃避宗教迫害,以香港僱主唔識回教,唔識其他民族忌諱嘅個性,一早出咗事,香港呢班友過去南洋住真係撞板多過食飯。

所以 碧桂園 啲盤,少掂為宜,南洋樓盤亦唔好亂買。特別發展商有中國背景,同納吉老友果啲,你都係小心啲好。

發表迴響

你的電子郵件位址並不會被公開。 必要欄位標記為 *