梁振英-納吉-2

納吉 玩完:政權唔係靠賤招維持

納吉 玩完已經係定局,係睇馬哈迪醫生點處理佢,雖然馬哈迪話唔係報仇,只不過全大馬大把方丈搵佢報仇,俾我係 納吉 真係議席都唔要,快啲著草比較好。一個玩賤招玩到出神入化嘅人,政權都係維持唔到,呢樣嘢對玩政治嘅人係有啟示,特別香港跟梁振英搵食啲人渣。

納吉 呢鋪衰啲乜

玩賤招都係一門藝術,你玩賤招嘅前提,係唔好搞到人民生活,好似蔣經國,佢係唔係仆街,我唔會話佢唔係仆街,只不過,佢搞得掂人民生活,咁你玩仆街招,都唔會招嚟民怨。但 納吉 同梁振英都係同一類撚樣,就係又要玩賤招,又貪,啲錢又要攬晒入自己同老友個袋,人民生活喺水深火熱又搞唔掂,你越玩賤招,人民越反你,結果一有機會就反風大爆發,跟住就玩完。 納吉 就係咁樣死咗,可以亂咁DQ啲政敵,ISA拉人唔駛審可以坐兩年監,跟住出報紙又要審查,又可以隨便告人誹謗咁又點, 納吉 有埋中國支持添,結果馬哈迪、安華、林吉祥、林冠英組成「復仇者聯盟」打死你,我依家有啲明點解林沛理咁憎復仇者聯盟呢套片,因為中共最怕呢家嘢。

我相信張曉明,梁振英呢啲撚樣,唔會視 納吉 覆亡係教訓,佢地只會認為係自己唔夠仆街,所以加快搞廿三條、一地兩檢、DQ呢啲仆街嘢,但人民係連劏房都租唔起,公屋都係啲中國人租果陣,無錯,香港無馬來西亞果種全民普選,只不過,只要有件事可以點燃起人民嘅怒火,你就玩完,民調都唔會搵到答案,喺大馬選舉前嘅民調,都無人估到馬哈迪領導嘅希望聯盟可以贏到開巷,因為馬來人都知乜事,對住民調機構都唔會講真話,自己喺票站投果張票至係真嘅。

當然,之後 納吉 未死得,因為有啲左膠搞白票主義幫咗佢,只不過呢次呢啲有用嘅白痴,喺選舉輸到甩褲,人民係會懲罰令公義遲嚟嘅白痴,呢點係清楚,所以香港啲左膠我話有乜嘢下場,你睇吓和社會主義黨成班友搞到deposit都攞唔番咪明,講理想唔講策略,甚至連講波果個都鬧果啲白痴,係要同梁振英呢啲仆街一齊清出政界。馬來西亞 納吉 玩完之外,仲證明一樣嘢,任何人有意或無意幫 納吉 都會被清算,呢樣嘢好清楚。

發表迴響

你的電子郵件位址並不會被公開。 必要欄位標記為 *