PCCW-華為海洋-min

PCCW 同華為海洋攜手一帶一路?被美國玩殘都得

PCCW 有可能成為美國國防授權法案2019嘅制裁對象,呢個尋日我講咗,只不過, PCCW 唔單只有國企持股,以及喺香港使用華為器材咁碎料, PCCW 玩埋一帶一路呢家嘢,隨時成為美國首要追擊目標,香港人仲玩乜一帶一路,玩咗俾中國玩死咗都未天光。

PCCW 點只用華為器材咁簡單

比起ZTE,華為係更明顯美國狙擊對象,因為華為係做電訊公司同企業器材,佢比起手機更危機好多,而且係一般平民百姓睇唔到果隻危險,果吓大劑。而華為旗下有間叫華為海洋(Huawei Marine)嘅公司,專門做海底光纜器材同工程生意,大家知道,海底光纜至係真正對國家安全構成威脅,否則澳洲政府唔會二話不說,拒絕華為海洋參與澳洲嘅海底光纜計劃,都係因為喺國家安全嘅重要性。

而PCCW旗下嘅PCCW Global呢次出事嘅地方,正係參與果隻一帶一路嘅project,只係當一盤生意,但完全無顧慮當中嘅國家安全問題。喺2018年3月華為出嘅新聞稿,PCCW Global同華為合作,興建毛里求斯至Rodrigus島嘅光纖,咁無喇喇喺兩個小島起條光纖做乜,乜好多錢賺?又唔係乜嘢多人口嘅地方。只不過,你睇Rodrigus同毛里求斯嘅地理位置,如果我係美國佬,唔煮重 PCCW 米就出奇。

PCCW-華為海洋-2-min
PCCW-華為海洋-2-min

毛里求斯喺戰略位置上好重要,條光纖好明顯會對查戈斯群島,即係英屬印度洋領地(British Indian Ocean Territory)構成威脅,點解毛里求斯獨立前,英國將查戈斯群島劃出嚟,就係因為戰略位置重要,攞咗去俾美軍做基地,雖然果啲地方嘅主權係英國嘅,絕大部分居民,唔係美軍嘅果啲外判商,就係英軍,根本無乜平民住,你覺得華為海洋搞呢個project想點,PCCW Global仲走去玩埋一份喎,依家美國佬對付華為,仲唔連埋你呢間有國企持股嘅 PCCW 一併煮埋?你話如果我係PCCW嘅股民,你覺得應該點做好呢,唔通想變成俄鋁啲苦主咁咩?三十六著走為上著,幾時都係啱嘅,喺呢個時勢。

發表迴響

你的電子郵件位址並不會被公開。 必要欄位標記為 *