希盟入主布城-min

希盟入主布城

喺吉隆坡時間2點半,根據《當今大馬》嘅統計,希盟攞到議席超過簡單多數112席, 希盟入主布城 ,馬來西亞已經變天,南洋最仆街其中一個威權惡棍政權,被人民選票造成嘅海嘯推倒,馬來西亞暫時避免咗瓦解甚至引發大混戰嘅命運。

希盟入主布城 要做乜?

希盟入主布城 幾成定局,我相信唔會搞出種族騷亂,因為呢次馬來人喺改變政權上扮演重要角色,我睇唔到點解納吉咁夠薑,可以煽動種族騷亂,而且軍警理唔理納吉條仆街都成一個極大嘅問題。但依家 希盟入主布城 可能第一件事要做,係唔俾納吉同佢啲老友逃走,特別逃走到中國,因為一馬案涉及嘅金額龐大,呢班友如果真係要坐監,應該成世都唔駛旨意出得嚟,所以呢班仆街攞錢走佬嘅可能性極大。隨時依家納吉就已經準備逃亡,我好懷疑納吉仲會唔會喺馬來西亞境內出現,所以希盟中人依家一定要確保一馬案相關嘅冚家鏟全部唔駛走,同埋阻止呢班仆街焚燒政府文件,因為以納吉嘅貪腐程度,應該好多貪污文件仲未曝光,依家要急急忙忙碎鬼晒佢。

跟住 希盟入主布城 另一個要解決問題係安華,安華越早出嚟做首相,就越有利穩定馬來西亞政局,畢竟馬哈迪醫生以往啲戰績真係太彪炳,可能馬哈迪醫生覲見元首果陣,一併要求元首赦免安華,可以儘快安排一次快速補選,然後將相位交俾安華,呢個係最好穩定政局嘅方法。當然,我認為馬哈迪醫生之後仍然要留喺內閣,新加坡式內閣資政頭銜係可以考慮,作用係用佢老人家壓住啲馬來人,等馬來西亞可以向馬來西亞人嘅馬來西亞呢條路邁進。

希盟入主布城 另一件事要搞,係回教黨問題,依家回教黨果啲極端分子如果可以清得出去,可以納入佢地做執政聯盟,最大程度上穩定馬來西亞政局,畢竟回教黨可以贏果啲州,都係需要一個宗教政黨坐鎮至搞得掂,呢件事,係需要馬哈迪醫生出面同佢地講數。

但可以肯定係,城市化程度大嘅地區,好似檳城、雪蘭莪同埋吉隆邦聯邦直轄區呢啲,佢地嘅政治模式會大致向新加坡模式邁進,特別檳城,國陣果啲成員黨,應該好快會成為歷史垃圾。

One thought on “希盟入主布城

發表迴響

你的電子郵件位址並不會被公開。 必要欄位標記為 *