馬來西亞大選-min

馬來西亞大選 :變天在望

馬來西亞大選 刮起嘅反風,比大家原本保守預計強好X多,依家至少知道柔佛、森美蘭、霹靂變天,依家希望聯盟所得國席數目,根據當今大馬滾動統計,已經超過國陣,係56到54,除非回教黨加入國陣,否則國陣可能執政有啲危,依家係國陣一向強勢嘅區都公布變天,咁大家諗吓希盟stronghold嘅大區,將會係乜結果。

馬來西亞大選 變天嘅原因

上屆都爭啲變天,但上屆變唔到天嘅原因,因為變天呢家嘢,齋靠城市馬來人、華人同印度裔人係唔夠,當時欠緊幾個因素:

1. 清理果啲要投白票嘅左膠,無錯,係左膠,今次左膠輸到當底褲,好多係沒收deposit咁輸,連社會主義黨唯一國席和豐都失守埋,輸俾希盟。
2. 點樣同基層傳達變天信息,呢樣嘢,我只能講,以往DAP都係弱爆,但依家馬哈迪醫生出手好好多,馬哈迪醫生呢次係替希盟上咗一課好好嘅一課,唔單只可以變天,而且日後守土都會容易好多。
3. 種族問題,呢樣嘢係最難搞,因為唔似新加坡同印尼,種族因素大致消除。而馬哈迪醫生係扮演重要角色,佢令種族問題唔應該係問題,大家睇檳城贏到開巷,大家都睇到馬哈迪醫生呢方面嘅努力。當然,DAP不分種族任用人才政策,同埋搞好成個檳城嘅公共財政,亦都係關鍵。

無錯,依家嘅勢係十分好,只不過,都係果句,納吉呢條友唔係貪廿六蚊,佢係貪廿六億,你睇梁振英要果幾千萬,都係咁出律師信,果副仆街相有幾核突,更何況依家係講緊廿六億零吉,呢個係一筆好大嘅數目嚟,納吉會唔會交出政權,點樣保證納吉交出政權,呢個係其中一個問題,因為聯邦層面交出權力,呢次係歷史第一次。

而另一個問題係回教黨,回教黨呢次唔係輸到滅黨,如果搞出hung parliament俾呢班友做關鍵少數,就真係大件事,回教黨有啲人嘅黐線程度,要搞回教法呢家嘢,我係絕不認同,其實宗教政黨呢家嘢,除非好似德國咁一開始搞中間路線,否則係好易出事,大家睇我家鄉亞齊個死款都應該好明白,所以,依家有好多嘢,大家都係要小心留意。

One thought on “馬來西亞大選 :變天在望

發表迴響

你的電子郵件位址並不會被公開。 必要欄位標記為 *