陳茂波-min

陳茂波 仲要濫用特權幾耐?

陳茂波 自做財政司司長以嚟,呢條水鬼升城隍嘅仆街,無好嘢做過,而呢次佢做嘅仆街嘢,直頭危害駕駛者安全,就係佢架車竟然獲准使用巴士專線,而條友亦居然夠薑呢個特權左穿右插,完全係當香港嘅駕駛人士安全同公平性係流嘅,果然係一件cheap精。

陳茂波 唔應該用呢項特權

首先,運輸署署長向運載重要政要嘅車輛批出使用巴士專線准許證,呢個係無可厚非,因為呢項特權主要用嚟保障呢啲車輛可以執行職務,例如出席重要會議,或者係安全或反恐需要,只不過,點解立法會議員要知道運輸署署長批出嘅准許證具體內容,因為呢項特權應該用於指明嘅情況,應該係十分之狹義,如果運輸署署長批出一項廣泛嘅特許證,即係運輸署失職,運輸署署長同運房局局長都應該被斬開九碌。但如果運輸署署長係盡忠批出一項符合財政司司長職責需要嘅權力,而 陳茂波 攞去濫用嘅話,咁唔該警方一視同仁向 陳茂波 以及可能駕駛有關車輛嘅政府司機發出告票,並且應該喺法庭上答辯,以示公允先係。

我好相信 陳茂波 係濫用特權,因為運輸署署長一般嚟係按以往慣例批俾特首、政務司司司長、財政司司長以及律政司司長車輛嘅巴士專線特准,以往無問題嘅事,其實都好難相信日後都有問題嘅,只不過,對上一任嘅財政司司長叫曾俊華,佢好歹做過彭定康嘅私人秘書,知道做政府官員基本底線,所以仲可以保持英治年代嘅公道紀錄, 陳茂波 係梁振英嘅人,梁振英係一個有權用到盡嘅仆街,正所謂臭味相投,你覺得 陳茂波 呢啲撚樣唔會有權用到盡?咪玩喇。

對於 陳茂波 呢啲人,直接將撚樣打出嚟,只不過係對佢恰如其分嘅描述咋,我無key佢個樣上徐錦江扮撚樣果張相,已經係好客氣,因為佢濫用權力去到一個罔顧公眾安全,點解唔可以隨便批私家車用巴士專線,因為香港係一街雙層巴士,突然間喺巴士專線殺出架私家車出嚟,一般司機視線睇唔到,係好容易炒車,呢次無炒車已經係執到, 陳茂波 呢個經常違反交通規例嘅友仔,佢有呢項特權簡直係道路炸彈,真係沒有最黐線,只有更黐線。

發表迴響

你的電子郵件位址並不會被公開。 必要欄位標記為 *