馬哈迪-2-min-馬來西亞大選

馬來西亞大選 :決定性一戰

呢篇文出街果陣,應該大選投票緊,未必會影響結果。呢次 馬來西亞大選 係決定性一戰,但有啲人問我點睇係令我不安,因為我知道有人係想幫中共攞料,所以我一直都唔寫。而我呢個結論,其實我之前講過:馬來西亞解體。我相信,馬哈迪醫生會睇到同一樣嘢,所以佢至不惜一切救國。

馬來西亞大選 變成決定一戰嘅背景

馬來西亞大選 結果搞唔好會變成馬來西亞瓦解嘅背景,大家必須了解馬來西亞嘅古怪國家結構,聯合王國雖然係四個國家組成(England, Wales, Scotland,以及Ireland留喺聯合王國嘅殘餘物Northern Ireland),但四個國家係一個君主,所以要瓦解未必咁易。但馬來西亞係一堆蘇丹國組成,各州事實上係一個有埋君主嘅完整國家,只不過喺馬來西亞旗幟下,各成員蘇丹國係自由往來,內政由各蘇丹國自理,外交、國防同聯邦政府負責,各蘇丹組成一個統治者會議去管治。某程度上,馬來西亞同未來嘅United States of Europe好類似。

呢個問題就嚟,如果納吉呢條仆街仲喺度阻住地球轉,而無法用票箱去解決問題,而州政府喺反對派手上,有相當完整嘅內政自治權,咁你會點做?其實顯而易見,當聯邦政府無法透過和平方式解決問題,可以選擇就係聯邦解體,而馬來西亞嘅憲政,其實蘇丹宣布獨立係無人吹得佢脹,因為實際嘅主權,一直唔喺聯邦政府手上,而係各蘇丹國嘅君主手上,所以 馬來西亞大選 如果解決唔到問題,後果就係南斯拉夫式解體,呢個係認識馬來西亞政體本質嘅人應有嘅理解,成件事一啲都唔難理解,只不過,有啲阿水都知嘅事實,事前係唔可以講出嚟,而各州有獨立嘅準備,亦只可以做,唔可以講。

所以呢次因為選舉結果而出現種族衝突可能性係零,因為呢次掀起馬來海嘯果個叫馬哈迪醫生,馬哈迪醫生以捍衛馬來人權益出名,相反,納吉老豆敦拉薩係促成大馬同中國建交果條友嚟,大家明白呢個背景就明乜事。而軍警主要效忠蘇丹,甚至會支持馬哈迪醫生,咁有乜事會發生,大家諗吓喇,我真係唔深入講太多。

我對大馬公民講法係,儘快投票,你嘅一票係救國必須。

發表迴響

你的電子郵件位址並不會被公開。 必要欄位標記為 *