華為-Huawei-min

美國針對 華為 禁令:PCCW可以跳海

Trump針對中國,特別 華為 同ZTE兩兄弟係全方位,根據美國公布嘅NDAA (National Defense Authorization Act FY2019)草案, 華為同中興喺美國基本上都執得。但件事唔只唔買得 華為 同中興嘅設備咁簡單,美國依家啲制裁方式都多少有連坐成份,依家係連PCCW呢啲公司都可以跳海,好多涉及美國政府生意都唔駛旨意做,除非搵晒 華為 啲設備。

美國針對 華為 嘅禁令有幾廣泛?

根據 NDAA 2019 第866條:

(1) produced by Huawei Technologies Company or ZTE Corporation (or any subsidiary or affiliate of either company);
(2) telecommunications services provided by an entity using such equipment;
(3) telecommunications equipment or systems that contain components that are designed, quality-tested, manufactured, or obtain post-sale technical support in a country whose nationals have been indicted for hacking the United States on behalf of or at the direction of that country’s government; or
(4) telecommunications equipment or services produced or provided by an entity that the head of an agency believes to be owned or controlled by, or otherwise connected to, the Government of the People’s Republic of China.

第(1)條好簡單, 華為同中興製造嘅設備,都應該要仆街,呢點好清楚,以後政府機構無人買呢兩間公司嘅嘢。第(3)都好清楚,幫中國做仆街嘢果啲友仔,提供嘅組件都唔買,好合理。但第(2)條就大件事,telecommunications services provided by entity using such equipment,好似BT、Telekom呢啲公司,唔駛講要改唔少機樓設置,但更跳海果個係PCCW,因為無論PCCW Mobile,到PCCW固網,到csl都用咗唔少中興或華為嘅組件,依家隨時得數碼通做得美國領事館生意,因為數碼通嘅基建係以Ericsson同Nokia Networks嘅為主,依家隨時因美國嘅措施,香港啲電訊公司要改用番Nokia Networks或者Ericsson嘅設備。

但對PCCW更跳海係第(4)條,如果有關公司,係相信由中國政府擁有、控制或相關,都死得。 PCCW 有中國聯通嘅持股,咁係連PCCW Global以及有使用Reach網絡基建嘅Telstra Global都中招,除非李澤楷迫到中國聯通沽晒所有持股,仲要接手果個,唔可以係國企,或者騰訊、阿里巴巴一類「民企」。PCCW唔可以只係換晒華為啲設備,就可以解決問題。

如果我係PCCW或者香港電訊信託嘅持股人,一定沽咗啲股票佢,因為 Trump 咁玩沒完沒了,隨時連PCCW英國業務都受影響。反而我未必太影響和記,睇3仔會唔會乘機換晒啲基建。但中國聯通會唔會因此放過PCCW一馬呢?我真係有啲難講,依家中國未收購其他香港電訊公司,本身已經係好好運氣。

9 thoughts on “美國針對 華為 禁令:PCCW可以跳海

發表迴響

你的電子郵件位址並不會被公開。 必要欄位標記為 *