強積金-回鄉證-min

用回鄉卡可以做 強積金 提取文件根本匪夷所思

相信香港絕大部分人都唔想啲 強積金 俾班芬佬亂咁舞,只不過,依家 強積金 處理永久離港理由果陣,特別某幾間 強積金 公司,做法極度政治化,對攞住 回鄉卡 嘅友仔異常手鬆,但對BNO嘅友仔異常手緊,完全係不知所謂。

唔應該單憑回鄉卡可以攞番 強積金

好多人以為,回鄉卡可以喺中國做嘢,甚至長住,但揸正嚟做係唔得,回鄉卡唔係你喺中國本土ROA嚟,根據《中國公民因私事往來香港地區或者澳門地區的暫行管理辦法》第十八條,係咁寫:

港澳同胞要求回內地定居的,應當事先向擬定居地的市、縣公安局提出申請,獲准後,持注有回鄉定居簽注的港澳同胞回鄉證,到定居地辦理常住戶口手續。

如果揸正做,應該係要求出示有回鄉定居簽注嘅回鄉卡,甚至定居縣市嘅常住戶口文件,至可以證明呢條友永久離港,攞番 強積金 ,依家有啲 強積金 公司可以容許一般回鄉卡作為提取 強積金 提取證明文件本身係匪夷所思,一係就刪咗法例果個部分佢,一係就唔該照番中國法律做嘢,應該照中國法律做嘢,而唔去做,呢件事本身就係黐線。

至於BNO居歐權,其實強積金管理局,以至大部分 強積金 公司,都知道呢個權利嘅存在,只要你出示歐洲戶籍紙或行使自由行動權利嘅文件,就會做,因為大部分強積金公司,以至MPFA本身,都唔會挑戰歐洲國家政府嘅主權決定,係得啲五毛至會去挑戰歐洲國家政府。但宏利強積金,我收到好多投訴,有人見到戶籍紙,或警察發出嘅證明書,都走去挑戰人地有無呢個居留權利,簡直係黐線,好多時要投訴到高層,甚至要歐洲國家政府稅局出文件,至會擺平。點解 強積金 永久離港要俾你攞番,一方面係錢嘅問題,另一方面係稅務問題,有人因香港強積金一直未能提得番,向稅局解畫解到口水乾。呢啲咪係依家香港典型公共行政或商業運作因政治需要而搬龍門嘅例子。

所以依家香港公共行政甚至商業機構內部運作,已經爛晒,亦係咁解,我係好憎 強積金 ,只不過,依家香港行政政治化呢個問題,簡直係製造民生上嘅困擾,完全係黐線,一定要以正視聽就係。

發表迴響

你的電子郵件位址並不會被公開。 必要欄位標記為 *