馬哈迪-2-min-馬來西亞大選

馬哈迪 與馬來反風

雖然馬來西亞成日話有反風反風,但反嚟反去,都係局限喺城市地區,以及鄉郊華巫兩族人民。只不過,今年有 馬哈迪 醫生,Dr.M 喺馬來鄉郊地區魅力非凡。喺馬來西亞生死存亡一戰, 馬哈迪 點打呢場選戰,呢個至係佢作為馬奇維利主義者嘅精髓所在,有啲位,佢甚至仲狼死過李登輝。

馬哈迪 精準掌握人民諗法

佢接受《當今大馬》華文版訪問果陣,佢咁講

可是,如果你去到甘榜,你說納吉偷了420億令吉,對他們而言,42令吉和420億令吉是一樣的。在鄉村地區,他們明白什麼是生活費高漲,有的人過去一天三餐,現在一天兩餐,有的人一天一餐,這些他們都能明白。

呢個係關鍵,呢亦係睇番,點解泛民到今日,甚至獨派都隊唔冧梁振英呢啲人渣,好似UGL,無錯,對於中產係work,但對基層係唔work,獨派最初興趣,都係反走私客問題,甚至我提嘅限奶令點解最終迫到梁振英做嘢,因為呢個係佢地關心,聽得明嘅民生問題,其實喺呢方面,由人民基本生活作為政治起點,係南洋嘅一貫傳統,由李光耀、馬哈迪、甚至令希望聯盟成功執政檳城州嘅林冠英,都係咁樣。林冠英嘅政治語言,充滿台北市長年代嘅陳水扁味道,但係呢套係work到爆,檳城巫、華、印三族通殺,你吹得林冠英脹乎?

只不過,泛民依家最大問題係,有一班不食人間煙火嘅友仔處處掣肘,特別係左膠,大家要留意,左膠係一班以為自己好了解同關注基層嘅「大愛中產」,佢地嘅生活方式,往往比我呢啲右派更似一個資本家,由於係咁,所以佢地提乜嘢全民退保,將啲公共事業國有化嘅主張等等,往往係不切實際。例如依家對付劏房問題,佢地除咗提拆咗粉嶺高爾夫球場,或打倒地產商,好似無其他辦法咁,但邊啲人囤積樓宇令租金暴升,或中國企業買咗幾多樓等等,佢地係往往乜都無做,如果有人俾一筆錢我,我都肯查指定地區有啲乜嘢人揸住啲貨,做一個統計,然後要政府做嘢,只不過,你叫泛民,佢地肯做條毛。

所以 馬哈迪 九十二歲仲可以掀起馬來反風,唔係石頭爆出嚟,反風根本係對人民嘅了解,無呢樣,無得玩。

One thought on “馬哈迪 與馬來反風

發表迴響

你的電子郵件位址並不會被公開。 必要欄位標記為 *