復仇者同盟 - 五毛同盟-min

由 復仇者聯盟 到五毛硬膠聯盟

復仇者聯盟 3上畫,果啲劇透X固然被人打到變豬頭(應該嘅),而好多人對 復仇者聯盟 嘅喜好都唔同,正如我唔係十分熱愛武俠小說一樣。只不過,亂咁評 復仇者聯盟 3係咁亂拋書包果啲仆街,我覺得key佢地個頭上個啲片度,俾班Marvel嘅英雄係咁圍毆就差唔多。我今日想鬧果條hihi叫占飛,亦俾五萬銀公帑俾果個賈選凝果條友:林沛理。

條友有無睇過 復仇者聯盟 3 都唔知

點解我質疑林沛理無睇過 復仇者聯盟 3亂寫一通,我都未睇過,但根據啲劇透X嘅披露,Thanos呢個角色,係類近丁蟹一類邪派人物,如果係咁,其實無睇過 復仇者聯盟 嘅都應該覺得咁嘅人物好睇,如果照林沛理果個打完又打,打到無了期嘅理論,果啲劇透X點可能被人打到變豬頭,所以十分之明顯,林沛理係透過 復仇者聯盟 3上畫,又玩番佢果套嘢,就係踩低潮流文化用嚟抬高自己,佢俾五萬銀公帑俾北京嚟賈選凝亂咁鬧低俗喜劇如此,依家佢踩 復仇者聯盟 亦都係呢套技倆,結果佢梗係被網民圍剿到嘔為止。

其實林沛理呢鋪被圍毆係抵佢嘅,佢係Syracuse University畢業,留美期間一本DC或Marvel漫畫都無睇過?你條友長期只係喺唐人街睇書㗎,返去早抖喇。DC同Marvel係美國流行文化一個重要部分,而且仲要係近年被活化,而漫畫嘅宇宙觀亦唔係佢一句「特許經營」可以否認,DC同樣有一堆漫畫人物,但佢個宇宙觀唔完整,所以拍唔出 復仇者聯盟 ,你試吓叫馬榮成、黃玉郎啲人物嚟個大雜炒,你睇吓拍唔拍到?

其實林沛理呢啲香港文化界嘅垃圾,我唔明點解佢仲可以喺《信報》文化版坐咁耐,好明顯,有啲人間報館係俾中聯辦啲人友仔揸莊,呢啲友仔係搞意識形態戰爭,所以份報紙變垃圾缸都唔在乎,我都做過吓信報文化版作者,我見到依家搞成咁真係痛心疾首。呢個亦解釋,點解香港報館咁多石頭爆出嚟,文章垃圾但長期有人登或特別轉載嘅人,果件乜叉倫敦人妻先生如是,乜叉唔識英文嘅扮喺英國嘅馬交X如是,除咗中聯辦中央指揮,我睇唔到點解會搞到五毛同盟喺度集體出醜。

發表迴響

你的電子郵件位址並不會被公開。 必要欄位標記為 *