Trump-微博-min

Trump 玩微博一樣可以玩到你陀陀令

Trump 玩Twitter玩到出神入化,呢個係公認嘅事實,我諗Twitter應該請 Trump 做代言人。但 Trump 借國務院官僚之手玩微博,一樣可以玩到你習近平半天吊,真係ban又唔係,唔ban又唔係果隻, Trump 玩 social media 嘅威力勁到你唔信。

Trump 用微博玩殘中國政府

Trump 喺5月5日發表聲明,喺航空公司點稱呼台灣、香港同澳門呢個問題上,同中國針鋒相對,本來中國已經玩到殘,因為中國無諗過嚟一招咁狠嘅重拳,點知 Trump 玩得未夠,中國傳媒唔報,唔緊要,美國駐華大使館喺官方微博度,直接將成段聲明譯成中文,一下子中國人大開眼開,雖然comment唔到,但有好多reshare同screen capture,我相信新浪班友,根本唔知點做好,只係刪咗果啲轉載同分享,但唔敢郁個post本身,到咗好夜嘅時間,美國駐華大使館好似登入唔到微博。只不過,呢次中國政府要新浪班友刪微博,實會有嚴重代價,我估新浪班友有得震無得瞓。

美國駐華大使館揀新浪微博出手,其實好有道理,因為新浪係美國NASDAQ嘅上市公司,唔係中國上市公司,而Sina呢個域名,係新浪本來嘅美籍台人創辦部分華淵資訊而嚟,基本上,新浪網比起騰訊更加得罪唔起美國,因為騰訊仲可以唔做海外市場,一如QQ怕咗歐盟嘅私隱規定,退出咗歐盟市場,而騰訊唔係美國上市,係深圳註冊,香港上市。大家諗吓,如果美國證監經常搵新浪嚟照肺,都應該幾好玩,所以新浪猶疑咗好耐,至將 Trump 呢個post刪咗,只不過,大家都知道 Trump 玩緊乜,而以 Trump 咁方丈,如果你有投資新浪網嘅話,你都係沽咗佢吧,因為 Trump 如果要煮新浪網重米,都應該會十分之唔得閒吓。

呢次 Trump 只係牛刀小試,中國無可能永久封美國使館微博,因為呢個同宣戰無異,跟住 Trump 可以玩到你中國半天吊都似,你想美國放過中興都應該無乜可能。日後呢啲嘢,一定陸續有嚟,鬼叫中國政府咁玻璃心。

One thought on “Trump 玩微博一樣可以玩到你陀陀令

  1. 支持侵總統對付畜生国,請將畜生国的留學生及近20年的移民取消身份並驅逐出境,牠們都是幫畜生国偷美國知識產權的畜生,所以可以充公牠們在美資產抵回賠償,還要取消香港關係法,不要讓畜生国利用香港裝逼,最重要是抓捕美國人習明澤判入獄,這人必是間諜,這樣世界才會和平。

發表迴響

你的電子郵件位址並不會被公開。 必要欄位標記為 *