新名校Secrets-min

新名校Secrets 疑似被問價事件:五毛做嘢真騎呢

中共想赤化香港互聯網,手段真係沒有最膠,只有更膠, 新名校Secrets 取代咗變晒質嘅名校Secrets地位後,竟然遇上一個疑似五毛假戶口嘅仆街問價,當然 新名校Secrets 嘅admin睬佢都傻,仲公布事件,相關嘅假戶口亦人間蒸發。

新名校Secrets 事件應該唔係個別事件

新名校Secrets 呢單嘢唔係個別事件,因為捕貓捉影個Page都遇上類似事件,呢啲好明顯係老共想買起啲Facebook Page,為2019年區議會選舉做嘢,大家要記住,中聯辦副主任譚鐵牛係有大數據背景,佢條友應該搵到公司幫佢做數據分析,指派啲人做嘢,但可惜中共啲打手做嘢手法永遠都係咁騎呢同硬膠,而依家香港人嘅抵抗意志亦強咗唔少,遇上呢啲賊仲爆佢一劑咩。

只不過,呢啲被中共睇中嘅Page,Admin堅要務必小心,因為釣魚唔到或收買唔到,班友就玩hacking,我呢度日日都被人打緊,Facebook係支援二步認證,只不過,唔好用SMS,SMS二步認證,不單喺海外漫遊果陣好多時都炒粉,香港果啲電訊公司嘅海外漫遊簡直去到垃圾級別,銀行嘅SMS都收唔到,唔好講其他。而且SMS係Plain Text嚟,以中共嘅技術,你用Plain SMS做二步認證簡直係傻的嗎?我唔明點解金管局仲係叫銀行用囉(係迫你用),喺Facebook嘅情況,至低限度係用Google Authenticator,Google Authenticator係做二步認證最基本要求,如果係再嚴重嘅情況,就必須用Google Chrome(雖然我好憎佢,因為食CPU同memory太勁)加Yubico Key,亦即係Google Advanced Protection 要你買其中一條key。因為老共為咗老爆啲對手嘅戶口,佢地係乜都做得出,否則西方國家亦唔駛採取對中國咁強硬嘅制裁政策。只不過,喺香港有機會買唔到Yubico嘅Key,原因,你睇吓依家香港宗主國係邊個囉,天字第一號惡棍國家中國!

發表迴響

你的電子郵件位址並不會被公開。 必要欄位標記為 *