Rees-Mogg-BREXIT-min

BREXIT 會搞到保守黨政府倒台

本來想寫Trump果句評英國槍械管制嘅膠論,因為佢講,倫敦就兩單槍擊案,一死兩傷。只不過, BREXIT 呢個問題去到攤牌階段,我相信我都隨時要買機票或Eurostar車票返國投票果陣,大家應該要知道,依家 BREXIT 去到一個幾大鑊嘅階段。

BREXIT 根本唔會搞掂

依家 BREXIT 僵局位有兩個,一個係Irish Border問題,彭定康上議院出手, BREXIT 修訂案要 BREXIT 最終條款必須符合 Good Friday Agreement,呢個係接近唔可能,雖然啲人話上議院無用,但如果 Sinn Fein 入 House of Commons 嘅話,彭定康嘅修訂好可能 House of Commons都過到,屆時你真係玩手指,無Irish hard border,你玩乜leaving custom union,早抖喇。

另一個位,喺呢篇文張相嘅政棍度,無錯,政棍 Ree Mogg,一個喺我眼中,同Sherlock Holmes嘅大反對Professor James Moriarty一樣咁仆街嘅政棍,堅持UK要離開custom union,以便同澳洲、紐西蘭、美國傾trade deal,美國咪玩喇,依家Trump當政下真係傾你老母。跟住你話澳洲,紐西蘭,佢地鬼有興趣同你依家亂七八糟嘅英國傾trade deal,唔通同俄國佬傾?我真係有衝動想叫MI5不如開file查 Ree Mogg,係唔係好似Cambridge Five一類嘅投俄賣國賊。依家BREXITER要攤牌嘅話,保守黨搵邊個做首相,唔通大選,大選都係得個膠字,除非咁,通過Overseas Voter Act,然後至少喺歐陸嘅British National全部可以投票,我估可以鎮住啲 BREXITER。如果工黨上台,就根本無眼睇,你覺得依家呢個工黨信得過?

未來幾個禮拜乜都可以發生,其實仲有一個方法鎮住局面。彭定康唔要貴族位,然後選番MP,領導保守黨出嚟大選,咁可能有啲希望。不過,呢個太天方夜譚。呢個僵局,麻煩到爆。

利申:我係保守黨員,但我係反 BREXIT

發表迴響

你的電子郵件位址並不會被公開。 必要欄位標記為 *