特區護照-聲明-min

你攞得 特區護照 確係自認係中國人

陳健波呢條友係仆街,我相信大家都知,佢近排講咗句好難聽嘅話,就係攞得 特區護照 就係中國人,之前仲有件茂利唔認攞 特區護照 係共享「中國人榮耀」,其實啲人申請 特區護照 果陣,知唔知自己喺申請表果度簽咗啲乜嘢出嚟嘅呢?

特區護照 上有聲明你自己係中國人

特區護照-聲明-min
特區護照-聲明-min

我攞現行 特區護照 申請表聲明果段出嚟,大家睇清楚果四行字

本人,即下開簽署人,現謹此聲明:
(1) 本人是中國公民及本人從未向香港入境事務處作出變更國籍的聲明。
(2) 本人作此申請時身在香港特別行政區。
(3) 就本人所知及相信,此申請書內所填報的資料均屬正確無誤。
(4) 本人同意為處理此申請而須進行的任何查詢。

你自己簽咗呢四段嘢都唔知?你唔怪得陳健波咁牙刷㗎,因為 特區護照 唔單只係一本中國公民護照,而且係你自己自願要,所以點解葉劉淑儀呢啲仆街要發表護照係「旅行證件」呢啲誤導言論,依家明真正原因,呢班法律寶藥黨,佢地嘅本色就係咁。

當然,如果你係1997年7月1日後出世,我深表同情,唔係佢地想,因為英國現行國籍法無法俾佢地國籍,呢個亦係未來爭取BNO平權嘅目標。只不過,依家有BNO或者其他國家護照,你攞 特區護照 係一啲道理都無,呢啲就係出現雙重效忠問題嘅原因,而中共嘅走狗如陳健波,亦會攞呢幾行字大做文章。大家都知陳健波係邊個功能組別嘅議員,佢係保險界嘅,香港保險界做得高層嘅,有幾多個係好人,佢地用得呢啲法律文件字眼昆客昆得多喇,所以佢好自然就出口成文,爆晒出嚟囉。

所以,如果你唔想分享中國人嘅榮耀,除非你係1997年7月1日後出世,否則唔好申請 特區護照 ,你申請得結果就係自認中國公民,日後一定有後果嘅,隨時危害你依家手上揸住嘅外國護照。如果你不幸攞咗 特區護照 ,應該即刻停用,並且剪咗佢,退番俾特膠政府,話你唔想共享「中國人榮耀」,如果你唔係居英權計劃BC或者BNO,你最好做國籍變更,退咗中國國籍,中國公民身份係依家嘅風頭火勢一啲都唔好用,亦對你無乜好處。

4 thoughts on “你攞得 特區護照 確係自認係中國人

  1. 咁剪咗本passport都好難斷個中國公民身份喎,香港有身份證,佢哋又會當係中國公民,咁可以點呢?

  2. 最近貪戀旅行,想去特衰護照免簽國(俄羅斯、哈薩克),念力動搖,差啲破處,忍之。
    尤幸經常上來扒文,平權看似渺小,但這裡是支撑着有共同信念的燭光。
    共勉之!

發表迴響

你的電子郵件位址並不會被公開。 必要欄位標記為 *