Adblock

對 Adblock 撚嘅立場

雖然我知呢道好多讀者唔係用 Adblock ,但由於香港時間晚上十點至十二點,呢度嘅Traffic同廣告收入係不成正比,應該有批以為啲作者可以靠光合作用維生嘅友仔出現,所以我決定雖然 member.martinoei.com 喺最後測試階段,但我考慮使用 Anti-Adblock功能,用 Adblock 嘅讀者將會乜都無得睇,除非將呢度變whitelist。

點解我們要強硬對付 Adblock 撚

呢度可以提供唔駛向你收錢嘅內容,因為有人代你俾咗提供內容嘅費用,提供果個人,就係廣告商,以及呢度嘅月費用戶。而遲啲,月費用戶會移去member.martinoei.com,果度唔會有任何廣告。所以,你睇廣告,就叫俾咗支持呢道嘅部分成本。但香港有班以為作者可以靠光合作用維生嘅友仔,用 Adblock 都算,好多呢啲 Adblock 友仔係熱普城啲支持者,或者一啲抄抄子,我係分析過啲traffic有呢個結論,所以我忍無可忍,唔想呢啲free rider再喺度出現,特別有啲人,會抄完我啲嘢當自己,既然係咁,我就出 anti adblock 功能,一偵測到有人用 adblock 即刻趕出去,除非你disable adblock,或將呢度加入adblock嘅whitelist。

其實大部分手機讀者,以及香港時間早上睇呢度嘅讀者,係唔會用 Adblock ,而晚上十點到十二點係乜人出沒,我經過分析,呢班友係乜人,我心裡有數,所以我喺5月6日香港時間晚上故意出Medium member only嘅文(未來會出現番喺member.martinoei.com)亦係咁解,有啲乜嘢都唔想付出就想有內容嘅讀者,根本係浪費時間,所以我好支持各大網站趕呢班友出去。

當然,我亦會考慮禁止所有中國IP睇呢度,因為好大機會呢班仆街係中聯辦,而且又會帶嚟大量垃圾廣告,所以我唯一選擇係ban晒啲中國IP入嚟呢度,我並無興趣招待中聯辦或者中國黑客,做得網站管理人,其實應該有權選擇真正嘅讀者。

2 thoughts on “對 Adblock 撚嘅立場

發表迴響

你的電子郵件位址並不會被公開。 必要欄位標記為 *