Trump-Political Correctness

Trump 又出招抗衡中國:越嚟越唔駛客氣

本來唔想一日內出咁多文講 Trump ,只不過 Trump 呢排真係十分之活躍,無論講錯嘢定做啱嘢,呢次係做啱嘢,中國發晒癲係咁迫航空公司,要將香港、台灣同澳門後面加上中國兩個字, Trump 喺5月5日聲明一句埋嚟係鬧Orwellian nonsense,大快人心,亦令航空公司有足夠膽量同中國班仆街抗衡到底。

Trump 決定全面同中國玩鋪勁

Trump 呢次用字係十分之硬,係用 Orwellian non-sense 嚟形容,即係話中國玩緊George Orwell喺1984、動物農莊呢啲經典名著裡面提及嘅仆街嘢,係未見過咁硬,又話會stand up。呢次係俾American Airlines同United Airlines足夠彈藥,同中國方面企硬,相信其他國家航空向咗中國跪低果啲,見到 Trump 嘅取態,都可能又將用字轉番以前嘅做法,因為對航空界嚟講,得罪美國嘅後果係遠遠大過得罪中國,因為航空界好多嘢都係要靠美國,而唔係中國。

其實呢次中國踢到 Trump 呢塊鐵板,因為中國之前賊佬試沙煲,向Lufthansa同British Airways施壓,British Airways本來跪咗,但後嚟又企硬番,而Lufthansa Group因為過份睇重中國市場,所以被台灣人鬧爆都無改,中國以為Lufthansa都跪,咁仲唔向同樣係Star Alliances嘅United Airlines,以及有大把航線同香港有關嘅American Airlines施壓,點知 Trump 呢排正係殺中國殺到性起,呢啲事佢邊度會放過至得,結果 Trump 出前所未有嘅聲明撐到衡。中國以為搞呢啲小動作,近乎打飛機嘅小動作係無後果,但現實係,後果係十分之嚴重,而且令中國自己比之前更加瘀。

而大家要留意,呢次除咗爭論重心台灣外,香港都受惠,反映咗 Trump 政府對香港嘅睇法,泛民仲諗住對 Trump 講大中華膠果套嘢,我祝佢地好運。而澳門人無抗議,但澳門都包括在內,亦反映美國對澳門有自己嘅盤算,一年前,《新華澳報》社長突然對十幾萬葡國公民發膠音,唔係無原因。

2 thoughts on “Trump 又出招抗衡中國:越嚟越唔駛客氣

發表迴響

你的電子郵件位址並不會被公開。 必要欄位標記為 *