Trump-London-min

Trump 嘅官府在遠拳頭在近邏輯

Trump 七月話訪問英國,只不過, Trump 同英國呢個國家嘅緣份,可能比佢血統上嘅祖家德國更無緣份( Trump 係拜仁血統,件事就更複雜), Trump 喺NRA大會,評論到倫敦出現大量用刀拮人嘅罪案,話如果倫敦人有槍咪無事,結果全倫敦鬧爆。

Trump 嘅邏輯英國人好難理解

Trump 啲英文好易聽,所以我先攞段片出嚟

再加埋 Trump 果啲小學雞動作,你明點解成個倫敦俾 Trump 點著咗,如果唔係啱啱好費爵爺腦出血入院消息,我估今日啲左膠報紙,直鬧爆呢單嘢,因為 Trump 嘅形容,真係唔多啱英國人口味。

作為一個香港人,我明 Trump 嘅邏輯,我講過不下一次,就係香港語俗語果句,官府在遠,拳頭在近。當然,法國果個情況,仲可以理解,因為法國啲恐怖分子係黐線好多,近排係連憲兵都隊冧,人人持槍可能有助反恐,當然巴黎人人有槍就會好X大件事,大家睇吓今年五月巴黎大示威就明,咁唔掂。只不過,對英國人嚟講,佢地係連警察普遍都唔持槍,基本上,得Authorised firearms officer可以持槍,而常規持槍係北愛警察服務、貝爾法斯特海港警察、貝爾法斯特機場警察、國防部警察、同埋民用核子警察(守核電廠),有三隊喺有宗教或民族極端分子問題困擾嘅北愛。你 Trump 呢個講法,對英國人嚟講跡近冒犯,所以全英著晒火,就一啲唔出奇。

英國有啲佢地引入嚟,香港習以為常嘅嘢,佢地自己係好抗拒,一樣叫ID Card,所以搞到全歐洲唯一要全天候攞住passport行街就係嚟自英國嘅EU Citizen,一樣叫警察持槍,因為英國警察唔係半軍事式防止罪案。而 Trump 呢次喺NRA演講,正正點著呢樣嘢。無錯,持刀襲擊呢樣嘢係好恐怖,醫院未至於血流成河咁誇張,但都一定唔係好嘢,但叫英國人喺心態上要接受條街一街都係槍,唔好話平民,差佬全天候持槍都未必會接受。 Trump 嚟到英國仲有幾多文化衝擊,甚至衝突,我真係等住睇戲。

(如果 Trump 訪德,如果去到拜仁可能最花生。)

發表迴響

你的電子郵件位址並不會被公開。 必要欄位標記為 *