北韓-ICAO

北韓 申請開 首爾-平壤 航線搞乜?

北韓 喺取消平壤時區後,又有驚人,但合理嘅舉動,就係申請開放首爾-平壤之間航道,當然呢個係伸出橄欖枝重要舉動,但目的唔只係代表和平誠意,亦代表 北韓 加速拒絕對中國嘅依賴,以及為侵金會喺新加坡召開,或喺新加坡做後備地點做準備。

北韓 向ICAO申請真正目的

北韓-ICAO
北韓-ICAO

大家睇吓平壤飛行情報區嘅航線,就明點解 北韓 要開呢條航線嘅真正原因。依家 北韓 無任何航線可以唔經中國飛行情報區,或俄國海參崴飛行情報區,仁川同平壤飛行情報區要hand-off,只得非常情況下,喺遠離DMZ嘅KANSU呢個點上hand-off,仲要平壤同仁川兩地嘅air traffic control同時同意,依家係唔鼓勵飛機喺DMZ上空飛過。如果 北韓 真係同中國反面,咁蒙古固然唔可能係侵金會後備或首選地點,因為一定要經過中國嘅FIR,咁唯有新加坡至少做後備地點,咁ICAO只要批准喺平壤FIR同仁川FIR喺DMZ上空,或接近DMZ hand-off,咁就簡單,只要載住金正恩嘅飛機喺仁川附近進入南韓領空,如有必要由南韓空軍護航,一路經日本領空,再飛入菲律賓領空(馬尼拉FIR),之後再南

甚至要喺台灣舉行(假如菲律賓信唔過),都一定有計,因為日本同台灣嘅FIR係互相銜接。總之只要南北韓領空FIR問題解決到,金正恩想點玩都得,絕對可以賣甩中國有突,呢個係好多人睇唔到。乜嘢空中走廊,呢啲係對民航界認識不足嘅人至寫得出,其實認真少少做研究,都唔會寫出「空中走廊」四個字。

而北韓觀光,或者好多方面,都唔需要依賴北京,如有必要,大韓航空等flag carrier可以開南北韓航線,咁你中國喺北韓空運度已經無角色,無人會喺北京轉機,而仁川機場可以運載力大增,因為平壤FIR隨時可以將開城一帶割俾仁川,甚至朝鮮半島統一air traffic control,屆時你中國返去玩手指。呢個係一般香港記者,無法掌握嘅重要性。

所以我相信,金正恩做好棄國準備,亦解釋點解習近平咁急要見金正恩。

One thought on “北韓 申請開 首爾-平壤 航線搞乜?

發表迴響

你的電子郵件位址並不會被公開。 必要欄位標記為 *