掘礦-min

喺香港 掘礦 根本係傻的嗎?

掘礦 大家一般預期係掘出錢,但喺香港,係會掘出花生,據聞有兩位 掘礦 界,或幣界KOL互片,又涉及乜嘢層壓式推銷,騙徒乜乜物物,太detail我費時評。只不過,如果香港想從事區塊鏈相關嘅嘢,特別 掘礦 ,應該先解決電費問題,否則係無得玩。

中國 掘礦 興起嘅背景

首先,點解咁多 掘礦 嘅友仔同中國有關,除咗人民幣本身有問題外,仲有一樣嘢,就係中國由於之前起得太多水力發電廠,有啲地區啲電價平到唔合理,呢個係中國可以喺 掘礦 界興起嘅背景,一個mining farm,講嚟講去都係一個data centre, 掘礦 呢家嘢,就算係ASIC玩,都係涉及大量電力運算,唔理運算粒ASIC本身,定係冷卻,都係食電,所以都係一個data centre成本預算問題,否則facebook點會喺瑞典呢啲國家起data centre,都係貪天氣夠凍唔駛投資喺冷卻,再加上附近有足夠可再生能源供應,電價夠平。你明 掘礦 成本運算,其實係同data centre一致,你就明點解香港唔會有乜嘢 掘礦 或挖礦場,因為你俾電費都已經蝕到仆街,更加唔好講香港工廈高昂租金。所以邊個同你講,香港搞 掘礦 中心,或挖礦中心乜乜物物,都可以當佢係傻佬,因為成本根本高到無利可圖,點做。

如果有人 掘礦 ,喺新界啲廢棄農地或貨櫃場,整個貨櫃式data centre,並且有足夠太陽能板輔助供電,都仲有啲道理,因為香港日照時間長而且充足,只不過夏天冷卻問題都係有疑問,但至少可信啲,依家啲友仔喺工廈高樓大廈 掘礦 ,你咪玩喇,你賺條春呀,呢啲嘢唔駛識 掘礦 ,你喺黃金高登砌過吓機,都應該知道嘅基本常識。

至於雲端掘礦,我從來唔玩呢家嘢,因為你根本唔知佢你買個價合唔合理,但好多時都唔合理,隨時你喺DigitalOcean或Linode租機掘Monero都無咁嬲,更何況Bitcoin之類,你去一轉歐洲投資礦場都大把你玩,所以,我覺得依家果啲幣界KOL都係黐線。都係果句,你有少少砌機常識,你唔會上果啲幣界鄧幹廉嘅當。

發表迴響

你的電子郵件位址並不會被公開。 必要欄位標記為 *