Trump-China-min

Trump 打算同中國玩鋪勁

Trump 派去中國嘅講數團,已經返緊美國, Trump 會喺美國時間禮拜日開會,對係唔係要同中國玩鋪勁作出最後決定,但由 Trump 嘅Twitter用嘅字眼睇, Trump 好大機會同中國玩鋪勁,真係禮拜一大家可以準備沽定期指都得。

Trump 好唔滿意

Trump 喺佢嘅Twitter係咁講,其實大家識簡單英文都知無好嘢發生

We will be meeting tomorrow to determine the results, but it is hard for China in that they have become very spoiled with U.S. trade wins!

用 spoiled 呢個字形容中國,大家都知乜事,即係美國會用強硬手段回應中國。相信果啲關稅措施,唔會係六百億美金咁小兒科,而除咗ZTE,以及華為,相信聯想死硬嘅機會好大,甚至更多中國公司將會受影響,所以星期一恆指應該好好睇,相信 Trump 公布結果,同恆指開市時間未必差好遠,所以 Trump 呢個生意佬做總統要玩死中國,係連時間度都set到盡,你諗吓 Trump 邊可能要搏到星期日都要開會,雖然好多有錢佬,都會禮拜日處理公務,只不過,佢係一個自願唔受薪水嘅美國總統,你諗吓 Trump 對中國幾有強烈嘅恨意至得。

所以照呢個形勢睇,香港好難獨善其身,而喺貿易戰背景,加上美國加息等因素之下,大家亦可以預期,支爆係好大機會發生,甚至 Trump 就係要推動支爆,用嘅手段,係你想像唔到,因為中國係敬酒唔飲飲罰酒,同金正恩完全同美國配合好唔同。某程度上,金正恩嘅瑞士留學背景,令佢對國際大勢嘅掌握,係好過習近平,如果我係習近平,依家就要對美國作出重大退讓,甚至喺劉霞問題上讓步,用劉霞換貿易戰放緩,但呢種江澤民年代玩開嘅技倆,中國都係唔做,咁 Trump 對中國完全唔客氣亦好正路,甚至連左膠都唔應該有嘢講,因為依家中國對劉霞嘅態度,講句真,係仲仆街過北韓,美國唔用招呼北韓嘅手段嚟招呼中國已經好客氣。

都係果句,香港人睇路。

發表迴響

你的電子郵件位址並不會被公開。 必要欄位標記為 *