何志平-min

何志平 應該劫數難逃

何志平 案呢排真係日日都有新發展,塞內加爾前外長,依家正打算認罪兼轉做控方證人,如果係咁,大家諗到小草案發生乜事,都會估到之後果位前外長大概會點,只不過 何志平 呢鋪,除非佢能夠提供對美國國家安全有重大貢獻嘅供詞,否則佢都係劫數難逃,唔駛出監。雖然或者某程度上,佢唔出監獄,可能仲會安全啲。

何志平 已經無逃生機會

一般嚟講,除非涉及另一單大案,否則一般案件,轉做控方證人而可以被赦免嘅被告唔會太多,呢個放諸香港、英國或美國都係,所以我話大家諗吓小草案發生乜事,都唔駛我畫公仔畫出腸,依家Cheikh Gadio搶先同美國進行認罪協商,而依家 何志平 仲喺度玩啲膠招,即係 何志平 連認罪協商嘅機會都無,咁依家喺 何志平 面前嘅路好清楚,一係佢爆中國大鑊,但佢家人可能被中國謀殺,而唔知乜嘢時候,佢自己都被人殺埋,呢種普京式玩法,你估中國唔會想玩?一係就係佢乜罪都入晒佢數,然後佢喺美國坐監終老,唔駛返嚟香港,美國亦唔可能用交換囚犯方式交換佢返香港。特別美國同中國,其實近年都唔多呢啲交換手上間諜嘅玩法, 何志平 就更加無乜機會可以走。

當然,我之前都分析過, 何志平 可能係自己擺明唔想走,而佢所謂爭取保釋,都係中國嘅柯打,如果佢真心要保釋出去,其實同美國傾掂數就得,即係向美國提供一定量嘅情報,嚟換取佢嘅自由,佢絕對可以做,但問題係,以 何志平 知咁多中國搞一帶一路嘅污糟嘢,中國隨時想滅佢口,咁 何志平 點樣保住佢家人安全,佢又能夠繼續喺監獄裡面接受美國保護。所以佢果啲耐人尋味嘅辯護策略,隨時係佢自己安全考量擺第一,佢自己一直會坐到底為止。

大家都記得金無怠案,大家睇中國喺金無怠案嘅態度,都可以估到 何志平 可以考慮點做,當然美國唔會俾 何志平 喺獄中自殺,只不過,中國只會有興趣殺佢,而唔會營救佢,因為對中共嚟講,死咗嘅人最可靠,而金無怠案果陣,中國外交李肇星嘅言論,大家可以重溫一吓。

金無怠事件是美國反華勢力編造出來的,中國政府愛好和平,從來沒有向美國和任何其他國家派遣過任何間諜。中國政府不會承認這件反華事件,也不認識這位自稱是中國間諜的金無怠先生。

將金無怠三個字,換晒做 何志平 ,大家就知乜事,中國共產黨喺呢方面,一直都無乜大變。

One thought on “何志平 應該劫數難逃

  1. 昨天行過街市,一本地人講電話說:”不見棺材不流眼淚”.我回心一想,中國人(包括HK)真是如此的.見到些社會哥(國內黑社會叫法).在公安局內堂堂大漢像小孩的哭法,用手擦眼淚,比D細的看到你有無大佬專嚴的?何志平事件如”高達”所說他應該為自己前途想吓.間諜行為有那個國家會承認是自己責任找屎上身保你?而HK這些賣板人也不會掌握太多中共的情報可賣.2)中美貿易戰,美方千里迢迢也要來談判.表示中國對美國來說依然有利用價值.否則談也不用談,像60年代把中國刪除世界地圖之外.中國領導人看到這點所以才可強硬.也可看到美國資本家的扑街野.

發表迴響

你的電子郵件位址並不會被公開。 必要欄位標記為 *