母語-林鄭月娥-min

母語 問題並不無聊,亦無含糊空間

母語 問題終於搞出膠出嚟,連啲五毛都好難撐得落去。林鄭月娥仲要死頂,話 母語 呢個問題無聊,但教育局局長楊潤雄知道呢鋪搞出屎出嚟,喺電台承認自己 母語 係廣東話,但語言政治呢家嘢一開咗個頭,係無得返轉頭,林鄭月娥以為 母語 呢個問題無聊,正係香港將會搞到一鑊泡嘅開始。

母語 就係語言政治嘅核心

對南洋人嚟講,語言政治係必修科嚟,由印尼禁止教授中文,馬來西亞打壓華教,蔣介石打壓台語,都係語言政治,甚至點稱呼一種語言都係政治,所以對我嚟講,無普通話,無國語呢家嘢,普通話?你同我講Bahasa Indonesian(Bahasa意思即普通話,所以我係唔會用普通話呢個字)?國語,乜嘢叫國語,BNO第一頁係印英法兩語國名,但British Citizen係印英文、威爾斯語同蘇格蘭語嘅國名,呢個係除咗封面嘅European Union字樣外,最容易分辨BC同BNO兩本嘢嘅方法嚟(因為依家BNO都係乜嘢歐盟語文嘅國名印晒上去,點解咁玩,你自己諗吓喇)。所以語言政治,絕不無聊,而且搞得唔好,死得人多,因為語言涉及生活,亦涉及基本思考模式,以及國家認同。

所以我唔用廣東話或粵語呢個名,啲中國仆街會話廣東只不過一個省份之嘛,然後亂咁話你係方言,所以我係用香港語(Hong Kong Language),一方面以示香港係獨立地區,另一方面,亦無得亂屈係方言,除非廣東有人主張離開中國。同樣道理,我叫閩南語做台語,一方面今日閩南地區嘅閩南語同台語有根本分別,另一方面,都係果句,台灣係獨立國家,當地人流通嘅語言即台語。當然有人會批評係大福佬主義,呢個就後話喇。

對我嚟講, 母語 係乜,係人人過關,無含糊空間,認為華語至係母語,除非佢係台灣或南洋嚟,如果香港長大話普通話至係母語,必定港奸無疑,香港係印度裔同巴基斯坦裔都係講流利香港語,唔係英語,香港語係跨越種族,係代表香港呢個命運共同體。所以林鄭月娥拒答何謂母語,一係佢 母語 係英文,咁唔該佢攞番British Citizen身份做番英國人算,一係佢 母語 係華語,呢個係認賊作父,不能接受。

我過去八年,都係用香港語寫blog,大家依家明點解。

發表迴響

你的電子郵件位址並不會被公開。 必要欄位標記為 *